Տեսանյութ.Ասպիրանտուրայում եւ դոկտորանտուրայում սովորողների կրթաթոշակը կրկնապատկվեց`35 հազար դրամով. Նոր որոշում
Կառավարությունն իր այսօրվա՝ ապրիլի 23-ի նիստում որոշում կայացրեց ասպիրանտուրայում սովորողների կրթաթոշակի չափը ավելացնել 35 հազար դրամով:Հարցը ներկայացրեց ԿԳՄՍ նախարար Արայիկ Հարությունյանը, ով նշեց, որ այդ ավելացումը համապատասխանաբար կկազմի հայագիտական ուղղվածությամբ մասնագիտություններով` 65 հազար դրամ, բնագիտական և այլ մասնագիտություններով` 60 հազար դրամ, տնտեսագիտական և իրավաբանական մասնագիտություններով` 55 հազար դրամ, ինչպես նաև դոկտորանտներինը` 65 հազար դրամ:
Որոշումն ուժի մեջ կմտնի սեպտեմբերի 1-ից:
«Սա կրթաթոշակների գրեթե կրկնակի բարձրացում է: Չենք համարում, որ սա բարձր թիվ է, բայց սա շատ հստակ ազդակ է, որը նպաստում է հետբուհական կրթական ծրագրում ընդգրկվածությանը, երիտասարդական մասնագետների ուսումնասիրությունների խթանմանը»,-ասաց նախարարը:
