COVID-19- ի նոր ախտանշան`«կորոնավիրուսային մատներ»
Ամերիկացի փորձագետները հայտնաբերել են կորոնավիրուսի նոր ախտանշան, որը կոչվում է «կորոնավիրուսային մատներ»: Այդ մասին հայտնում է USA Today- ը:Ինչպես նշվում է, վիրուսի ազդեցությունը նկատելի է դառնում ոտքերի վրա. դրանք դառնում են կապույտ կամ մանուշակագույն:
Համաձայն Փենսիլվանիայի համալսարանի վարակաբան Էբբինգ Լաուտենբախի խոսքերի՝ հիվանդը զգում է այրոց և ցավ, երբ դիպչում է ոտքերին:
Վիրուսի այս դրսևորումը տեղի է ունենում ինչպես ծանր հիվանդների, այնպես էլ հիվանդության առանց ախտանշանների ընթացք ունեցող երիտասարդ հիվանդների, ներառյալ երեխաների մոտ:
Լաուտենբախը կարծում է, որ մատների կապտելը կապված է վարակի նկատմամբ տեղական բորբոքային ռեակցիայի կամ անոթային արգելափակման դրսևորման հետ:
Մասսաչուսեթս նահանգի հիվանդանոցի շտապօգնության ծառայության տնօրեն Սյուզեն Ուիլկոքսը վստահ է, որ այդ ախտանշանները նկատվում են գրիպի խիստ տեսակներով կամ վիրուսային թոքաբորբով հիվանդների մոտ:
