Վաղը երկար ուղևորության կգնամ մեքենայով, կբացեմ մեքենայի պատուհանը և կշնչեմ COVID-19-ի օդը
Հանրահայտ երգչուհի Մադոննան հայտարարել է, որ կորոնավիրուսի հակամարմինների թեստը դրական պատասխան է տվել։ Աստղն այս մասին հայտնել է իր Instagram-ում՝ «Կարանտինային օրագիր» շարքի 14-րդ գրառման մեջ։«Օրերս թեստ եմ հանձնել․ հակամարմինների թեստը դրական պատասխան է տվել: Այնպես որ, վաղը երկար ուղևորության կգնամ մեքենայով, կբացեմ մեքենայի պատուհանը և կշնչեմ COVID-19-ի օդը»,- գրել է երգչուհին։
Ըստ Հիվանդությունների վերահսկման և կանխարգելման կենտրոնների՝ հակամարմինների թեստերը ստուգում են արյան մեջ հակամարմինների առկայությունը՝ պարզելու, թե արդյոք թեստ հանձնողը նախկինում ենթարկվել է վիրուսի ազդեցությանը, թե`ոչ։
Թեստի դրական արդյունքը ցույց է տալիս, որ անհատն ունի հակամարմիններ, որոնք, հավանաբար, առաջացել են SARS-CoV-2 վարակի արդյունքում։
