Նոր տուգանք՝ դեղատների կողմից կանաչ լույսով խաչերի տեղադրման համար. «Ժամանակ»
«Ժամանակ» թերթը գրում է. ««Իմ քայլը» խմբակցության երեք պատգամավորներ՝ Նիկոլայ Բաղդասարյանը, Մխիթար Հայրապետյանը և Նարեկ Զեյնալյանը, առաջարկում են փոփոխություն կատարել Վարչական իրավախախտումների վերաբերյալ օրենսգրքում և տուգանք սահմանել ավտոմոբիլային ճանապարհների խաչմերուկներում կամ դրանց մոտ գտնվող այն դեղատների համար, որոնք որպես ցուցանակ տեղադրել են կանաչ լույսով խաչեր:Գաղտնիք չէ, որ գիշերային ժամերին շատ վարորդներ այդ կանաչ խաչը ընկալում են որպես լուսացույցի կանաչ նշան, և հատելով խաչմերուկը՝ խախտում են ճանապարհային երթևեկության կանոնները, տուգանվում են 20 հազար դրամով: Այս փոփոխությունը կօգնի խուսափել նման շփոթությունից»:
Առավել մանրամասն՝ թերթի այսօրվա համարում:
