Չեմբեռլենը պատմության մեջ մնացել է որպես հանձնող, զիջող.Իրականում ի՞նչ է արել նա. զոհաբերել է իր կյանքն ու ապագան, բայց Բրիտանիան փրկել է պարտությունից          Բաքուն ևս մեկ «հաղթանակ» է ուզում.Ադրբեջանի Նավթադոլարները սպառվում են,Էրդողանին պետք էվճարի պատերազմի ժամանակ աջակցության համար       Անբուժելի քաղցկեղի դեմ պայքարի միջոց է առաջարկվել,ովքեր ունեն կրծքագեղձի եռակի բացասական քաղցկեղի ամենավատ ձևը    

11 հուն 2020 16:05

Թրամփին խորհուրդ են տվել «բունկեր վերադառնալ».ցուցարարների վերահսկողության տակ է հայտնվել մի ամբողջ շրջան

ԱՄՆ նախագահ Դոնալդ Թրամփը հայտարարել է Վաշինգտոն նահանգի Սիեթլ քաղաքի՝ «ներքին ահաբեկիչների կողմից գրավման մասին»։ Համապատասխան հայտարարությունը Սպիտակ տան ղեկավարն արել է Twitter-ում։


Թրամփը հայտարարել է, որ քաղաքը գրավված է ցուցարարների կողմից, որոնք ղեկավարում են «արմատական ձախ դեմոկրատները»: Նրանք սկսել են «ծաղրել» Վաշինգտոնի նահանգապետ Ջեյ Ինսլիին և Սիեթլի քաղաքապետ Ջենի Դուրկանին։ Թրամփը տեղական իշխանություններին կոչ է արել կարգավորել իրավիճակը և «քաղաքում վերահսկողությունն իրենց ձեռքը վերցնել»։

«Եթե դուք դա չանեք, ես կանեմ: Այդ սարսափելի անարխիստներին պետք է անհապաղ կանգնեցնել»,- գրել է ԱՄՆ նախագահը:


Ի պատասխան՝ Սիեթլի քաղաքապետ Ջենի Դուրկանը Թրամփին կոչ է արել բողոքի ակցիաների ժամանակ տեղական իշխանությունների գործողություններին գնահատականներ չտալ։

Դուրկանը Twitter-ում Թրամփին խորհուրդ է տվել «վերադառնալ բունկեր»։

«Մեզ լավություն արեք։ Վերադարձեք ձեր բունկեր»,- գրել է Դուրկանը՝ BlackLivesMatter հեշթեգով։


Ինչպես հաղորդում է The New York Times-ը, ցուցարարների վերահսկողության տակ է հայտնվել քաղաքի կենտրոնում գտնվող մի ամբողջ շրջան՝ Կապիտոլիումի բլուրը՝ այն հայտարարելով «Կապիտոլիումի բլրի ինքնավար գոտի»: Մուտքը թաղամաս արգելափակվել է բարիկադների օգնությամբ։

Ցուցարարների հետ մի շարք բախումներից հետո իրավապահները լքել են տեղի ոստիկանական բաժանմունքը՝ ակցիայի մասնակիցներին թողնելով առանց ոստիկանության հսկողության: Նշվում է, որ այս անգամ առանց բռնության և կողոպուտի է ընթացել ցույցը։ Մարդիկ քննարկել են իրենց առաջնահերթությունները և ելույթ ունեցել ամբիոնից:


Հիշեցնենք, որ ԱՄՆ-ում շարունակվում են Մինեապոլիսում աֆրոամերիկացի Ջորջ Ֆլոյդի դաժան սպանությունից հետո բողոքի ցույցերը։ Վերջին շրջանում ակցիաներում ավելի ու ավելի քիչ են բռնության ու վանդալիզմի դեպքերը։

Մեկնաբանություններ


Համընկնող լուրեր