Տեսանյութ․Սուրբ Հարության Ճրագալույցի Սուրբ Պատարագ, Տնօրհնեքի արարողություն ԱՀԹ առաջնորդարանում          Խոշոր հրդեհ Լոռու մարզի Վանաձոր քաղաքում       Խոշոր վթար, բախվել են «Nissan» ու «ՎԱԶ 2106», հիվանդանոց է տեղափոխվել 6 հոգի՝ 4-ն անչափահաս    

20 հուն 2020 16:15

Մասնագետները նկարագրել են կորոնավիրուսի նոր ախտանիշ

Աչքերի անսովոր կարմրությունը կարող է լինել COVID-19-ի ախտանիշներից մեկը: Այս մասին հաղորդվում է Կանադական ակնաբուժական միության ամսագրում:


Կանադացի մասնագետները հոսպիտալացված 29-ամյա պացիենտի մոտ հայտնաբերել են աչքերի կարմրություն, աչքերից ջրային արտադրություն եւ լույսի հանդեպ վախ: Փետրվարի 29-ին մինչեւ Կանադա վերադառնալը նա մեկ ամիս անցկացրել էր Ֆիլիպիններում եւ մեկ օր՝ Սան Ֆրանցիսկոյում: Մարտի 1-ին նրա մոտ սկսվել է հարբուխ, հազ եւ կոնյունկտիվիտ (շաղկապենու բորբոքում): Պացիենտը տենդից չի բողոքել, չնայած խոստովանել է, որ ջերմիջեցնող դեղամիջոցներ է ընդունել, որոնք կարող էին քողարկել ջերմության ոչ մեծ բարձրացումը:


Մի քանի օր հետո ախտանիշները վատթարացել են, եւ կնոջն ուղարկել են ակնաբուժական կլինիկա: Աչքից արտազատված քսուքի թեստը դրական է եղել՝ առկա էր SARS-CoV-2 նոր կորոնավիրուս:


Ինչպես նշում են հեղինակները, այս դեպքն ապացուցում է, որ անհրաժեշտ է լրացուցիչ միջոցներ ձեռնարկել կորոնավիրուսային ինֆեկցիայի անսովոր ախտանիշների հայտնաբերման ուղղությամբ, որ կանխվի դրա տարածումը: Նրանք թերապեւտներին, ակնաբույժներին եւ մյուս մասնագետներին խորհուրդ են տալիս ուշադրություն դարձնել պացիենտների մոտ կոնյունկտիվիտի վրա՝ հատկապես, եթե նրանք վերջերս են վերադարձել այլ երկրից:

Մեկնաբանություններ


Համընկնող լուրեր