Շուտով «Իզմիրլյան» հիվանդանոցը նոր պացիենտ կունենա`ուղեղի պարապրոկտիտ, պրոստատայի մենինգիտ...Նա էլ «աննկատ» կծլկի Ռուսաստան          ՀՀ-ում ավելացան մտահոգությունները քիմիական գործարանների մասով.«Վանաձոր Քիմպրոմ»-ի տարածքում առկա ամոնիակն ու ծծմբական թթուն օտարվել են       Վրաստանի կառավարությունը կաջակցի նաև քաղաքացիներին. ու՞մ և ինչքան օգնություն կտրվի    

13 հուլ 2020 15:08

Աննա Հակոբյանը կոչով դիմել է ադրբեջանցի կանանց և մայրերին

ՀՀ վարչապետի տիկին Աննա Հակոբյանը ադրբեջանցի կանանց ուղղված կոչ է հրապարակել։


Կոչը ներկայացնում ենք ստորեւ․


«Ռազմական գործողությունները դադարեցնելու եւ դեպի խաղաղություն շարժվելու կոչ


Երեկվանից լարվել է իրավիճակը հայ-ադրբեջանական սահմանին, հայկական եւ ադրբեջանական զինված ուժերի միջեւ սկսվել են մարտեր:


Ադրբեջանական կողմը, ըստ պաշտոնական տեղեկատվության, մի քանի ժամվա ընթացքում տվել է 4 զոհ:


Որպես Կանայք հանուն խաղաղության արշավի հեղինակ, հորդորում եմ ադրբեջանցի կանանց եւ մայրերին կոչ անել իրենց երկրի ռազմաքաղաքական ղեկավարությանը դադարեցնել ռազմական գործողությունները, վտանգի չենթարկել ադրբեջանցի եւ հայ ժողովուրդների զավակների կյանքը:


Կանայք, մայրերը եւ քույերերը պետք է հարցնեն իրենց ռազմաքաղաքական ղեկավարությանը` ինչ ձեռք բերեցին իրենց սիրելիների կորստի, իրենց անձնական ողբերգության գնով, եւ ինչն է խանգարում խնդիրները քննարկել խաղաղության պայմաններում, հակառակ կողմի ղեկավարության հետ բանակցությունների ճանապարհով:


Հատկապես աշխարհը ծնկի բերած այս համավարակի օրերին պետությունների ղեկավարները պետք է իրենց ջանքերն ուղղեն սեփական ժողովուրդների առողջության պահպանմանը եւ մեկ ընդհանուր թշնամու` համավարակի դեմ պատերազմին, մարդկությանն իր բնականոն կյանքին վերադարձնելու նպատակով:


ՄԱԿ-ի գլխավոր քարտուղարի` Համաշխարհային զինադադար հայտարարելու կոչին հետեւելը լավագույնն է, որ կարող են անել երկրների ղեկավարներն իրենց երկրների եւ ժողովուրդների համար:


Պատերազմից պետք է միշտ խուսափել: Միշտ կա այլընտրանք»:


Մեկնաբանություններ

Համընկնող լուրեր