Վիլնյուսը մտադիր է պատժամիջոցներ կիրառել 118 մարդու նկատմամբ, այդ թվում՝ Լուկաշենկոյին
![](https://livenews.am/press/wp-content/uploads/2020/08/%D0%9B%D1%83%D0%BA%D0%B0%D1%88%D0%B5%D0%BD%D0%BA%D0%BE.jpg)
«Լիտվայի ԱԳՆ-ն ՆԳՆ-ին է ուղարկել թարմացված ցուցակ, որում ընդգրկված է 118 մարդ, այդ թվում՝ նախագահ Լուկաշենկոն»,- ասել է նա:
Սա բալթյան հանրապետության պատժամիջոցների ցուցակի երկրորդ տարբերակն է: Նախնական ցանկը, որում Լուկաշենկոյի հետ միասին 32 մարդ էր ընդգրկված, որոնք, Վիլնյուսի գնահատմամբ, առնչություն ունեն Բելառուսում նախագահական ընտրությունների արդյունքների կեղծմանը և ցուցարարների նկատմամբ ուժի չարդարացված կիրառմանը, ԱԳՆ-ն ՆԳՆ-ի հաստատմանը փոխանցել էր օգոստոսի 19-ին: Հաջորդ օրը երկրի վարչապետ Սաուլիուս Սկվերնյալիսը հայտարարել էր, որ որոշ տեխնիկական հարցերի պատճառով թարմացված ցուցակը կհրապարակվի ավելի ուշ։
Ցուցակում ընդգրկված անձանց առաջարկվում է արգելել Լիտվա մուտքը և սառեցնել նրանց ակտիվները, եթե այդպիսիք կան հանրապետության ֆինանսական հաստատություններում:
Հիշեցնենք, որ օգոստոսի 11-ին Բելառուսի ընդդիմության առաջնորդ Սվետլանա Տիխանովսկայան լքել էր Բելառուսը և Լիտվա մեկնել։ Նա խոստովանել էր, որ երկընտրանքի առաջ է կանգնել, և հիշատակել էր իր երեխաներին։
Բողոքի ցույցերն ու ընդդիմադիրների կողմնակիցների հանրահավաքները Մինսկում և Բելառուսի այլ քաղաքներում շարունակվում են օգոստոսի 9-ին երկրում կայացած նախագահական ընտրություններից հետո, որոնց արդյունքներով հաղթել է գործող նախագահ Ալեքսանդր Լուկաշենկոն՝ ստանալով ընտրողների ձայների 80 տոկոսը։