Տեսանյութ.Էդ անմեղ երեխուն ինչի՞ եք տանում. լարված իրավիճակ՝ Կառավարության դիմաց
Կառավարության շենքի դիմաց բողոքի ակցիաներ են անում հագուստի եւ կոշիկի ներկրմամբ եւ վաճառքով զբաղվող տնտեսավարողները։ Նրանք բողոքում են Մաքսային օրենսգրքում կատարված փոփոխություններից, որոնց արդյունքում ստիպված են ներկրված ապրանքը ավելի բարձր գնով մաքսազերծել։Հավաքվածները նշեցին, որ այս պարագայում ստիպված են լինելու 6 անգամ ավելի թանկ վաճառել ապրանքը, իսկ գնորդները այդքան հնարավորություն չունեն։
Ինչ-որ պահի իրավիճակը լարվեց, ոստիկանները ցանկանում էին բերման ենթարկել երիտասարդներից մեկին, սակայն ներկաները չթողեցին:
Ոստիկանները բերման ենթարկեցին երիտասարդներից մեկին: «Ինչի՞ եք վախեցնում էդ անմեղ երեխուն, ձեր պագոններից ա վախենում»,- ասաց առևտրականը: «Էս պագոնները պաշտպանում են ժողովրդին»,- արձագանքեց ոստիկանը: Ըստ հավաքվածների՝ երիտասարդի մոտ կտրող-ծակող գործիք է հայտնաբերվել:
