Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին          Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը       Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը    

01 փետ 2021 16:37

48 մլն դոլար, որը պետք է ներդնեին ՀՀ-ում՝ հեղաշրջումն իրականացնելու համար.Պատերազմի պարտության սցենարը մշակված էր մինչև 2018թ հեղաշրջումը

Պատերազմի պարտության սցենարը եղել է մշակված մինչև 2018թ մայիսյան իրադարձությունները։ Մինչև Նիկոլի և նրա բանդայի կողմից հեղաշրջումը, հստակ ծրագիր կար մշակված՝ ինչպես Հայաստանը քայքայել, ինչպես Հայաստանից վտարել ռուսական ռազմաբազաները և Հայաստանը դարձնել թուրքական վիլայեթ։ Այս մասին հրավիրված մամուլի ասուլիսին ասաց Գառնիկ Իսագուլյանը։


Իսագուլյանի խոսքով՝ ծրագրի առաջին մասը հեղափոխությունն էր, որի արդյունքում պետք է գրավեր գործադիր իշխանությունը, որը տեղի ունեցավ 2018թ ապրիլ-մայիս ամիսներին։


«Ադրբեջանից և Թուրքիայից ստացել էին բավականին մեծ գումար՝ 48 մլն դոլար, որը պետք է ներդնեին Հայաստանում՝ հեղաշրջումն իրականացնելու համար, ինչի մասին գրել է միջազգային մամուլը, ռուսական, թուրքական ԶԼՄ-ները»,- նշեց նա՝ հավելելով, որ հեղաշրջումը Հայաստանում տեղի է ունեցել թուրք-ադրբեջանական փողերով։


Ծրագրի առաջին փուլում, ըստ Իսագուլյանի, եղել է գործադիր իշխանության գրավումը, երկրորդ փուլում՝ գրավել օրենսդիր իշխանությունը, երրորդ՝ դատական իշխանությունը, չորրորդ փուլում՝ սկսել պատերազմի իմիտացիա, դատարկել ամբողջ Արցախը, մեղքը փորձել բարդել ՀՀ-ում նախկին իշխանությունների, հին գեներալների, Ռուսաստանի վրա։


«Հայաստանը պետք է զրկվեր իր ռազմավարական գործընկերոջից, իսկ Իրանի Իսլամական Հանրապետությունից կտրելու համար Մեղրիի հատվածը պետք է անցներ Ադրբեջանին, այսինքն՝ Հայաստանը պետք է օղակվեր թուրքական աշխարհով։ Սա եղել է հիմնական ծրագիրը, որը մշակվել է ոչ ՀՀ-ում, մեծ մասնակցություն են ունեցել Թուրքիան, Ադրբեջանը, Անգլիան և Իսրայելը»,- նշեց Իսագուլյանը՝ հավելելով, որ այդ ծրագիրը չիրականացվեց մեկ պատճառով, այն է՝ որևէ մեկը չէր հաշվարկել, որ կհայտնվի ծագումնաբանությամբ սասունցի մեկը, որը հրաժարական չի տա և կդիմակայի բոլոր կարգի ճնշումներին, խոսքը ՍԴ նախագահ Հրայր Թովմասյանի մասին է։


Նրա խոսքով՝ իշխանությունները կարծում էին, որ շատ արագ ճնշումների ներքո կփոխեն ՍԴ-ն, այսինքն՝ Հրայր Թովմասյանը մոտ 6-7 ամիս ժամանակ շահեց։ Իսագուլյանի խոսքով՝ Հրայրը դիմանում էր բոլոր ճնշումներին, ՍԴ մյուս դատավորները՝ ևս, որից հետո իշխանությունները որոշեցին գնալ հակասահմանադրական ճանապարհով՝ հանրաքվեի միջոցով փոփոխություններ իրականացնել, սակայն հայտնվեց կորոնավիրուսի համավարակը և այդ պայմաններում հնարավոր չէր հանրաքվե իրականացնել։


«Կորոնավիրուսի համավարակի պայմաններում ավելի ստոր քայլի գնացին՝ Սահմանադրությունը ոտնահարելով կատարեցին սահմանադրական կարգի տապալում, հեղաշրջում, Սահմանադրությանը հակասող օրերքներ ընդունեցին, բայց միևնույն է ՍԴ-ն՝ որպես ամբողջությամբ իրենց ենթարկվող մարմին չկարողացան իրականացնել, բայց պատերազմն էլ երկար հետաձգել չէր կարելի։ Պատերազմն իրենց սցենարով տարան պարտության»,- նշեց Իսագուլյանը։


Իսգալուլյանն ընդգծեց, որ պատերազմի պարտության համար սցենարում, որը մշակված էր մինչև հեղաշրջումը, ընդգրկված են եղել Նիկոլ Փաշինյանը, իր կինը, Արմեն Գրիգորյանը, Մակունցը, Լենա Նազարյանը, Արայիկ Հարությունյանը։


Մեկնաբանություններ


Համընկնող լուրեր