Այս պահին արտագաղթել ցանկացողներն ավելի շատ են, քան կլինեն վաղը, երբ շոկից դուրս գան
Արտագաղթի տրամադրությունները ժամանակի մեջ են ռեալ, կարծում է Սփյուռքի գործերի գլխավոր հանձնակատար Զարեհ Սինանյանը:«Այս պահին ցանկացողներն ավելի շատ են, քան կլինեն վաղը, երբ շոկից դուրս գան: Նույն կերպ կարող ենք ասել, որ դեկտեմբերին արտագաղթի ցանկություն ունեցողներն ավելի շատ էին, քան այսօր», - ասաց Սինանյանը:
Անդրադառնալով ՀՀ վարչապետ Նիկոլ Փաշինյանի հայտարարությանը, թե երբ Ռուսաստանի հետ չվերթները բացվեց, առաջին օրը ավելի շատ մարդ եկել է ՀՀ, քան գնացել է, Սինանյանն ասաց, որ թվերին ծանոթ չէ:
«Չնայած չեմ զարմանում: Ամեն դեպքում, կարծում եմ՝ Միգրացիոն ծառայությունը թվերն ունի, և դրա հիման վրա վարչապետը նման եզրակացություն է արել»,-ասաց նա:
Սինանյանը նշեց, որ ներգաղթի ակնկալիք միշտ ունեն, բայց այս պահին ժողովրդի մեջ հոգեբանական անկում կա.
«Հետևաբար, չեմ զարմանա... Ակնկալում եմ, որ գոնե կարճաժամկետ իմաստով է հնարավոր Հայաստանից արտահոսքը»:
Սփյուռքի գործերի գլխավոր հանձնակատարը նախատեսում է օդանավակայան գնալ:
Դեպի Ռուսաստան տոմսերի բարձր արժեքի վերաբերյալ էլ նշեց, որ գինը շուկան է որոշում. «Մենք գների վրա չենք կարող ազդել: Այնպես չէ, որ մենք ունենք ազգային ավիափոխադրող և կարող ենք գին թելադրել»:
