Թուրքերը ուզում են տիեզերակայան կառուցել, Լուսին թռչել, նույնիսկ ծրագրի ժամկետներն են նշել
Անկարան, տիեզերական արդյունաբերության զարգացման շրջանակներում, նախատեսում է Լուսին ուղարկել տիեզերանավ, որը վայրէջք կկատարի մինչև 2023 թվականը. երեքշաբթի հայտարարել է Թուրքիայի նախագահ Ռեջեփ Թայիփ Էրդողանը՝ ներկայացնելով Ազգային տիեզերական ծրագիրը:«Ազգային տիեզերական ծրագրի շրջանակներում մեր հիմնական և ամենակարևոր նպատակն է առաջին անգամ Լուսին հասնել մեր հանրապետության հիմնադրման 100-ամյակին», - մեջբերում է նրան Sabah հրատարակությունը:
Այնուհետև Էրդողանը հայտարարեց, որ Թուրքիան մտադիր է միջազգային համագործակցության շրջանակներում կառուցել տիեզերակայան:
Թուրք նախագահը նաև հայտարարել է, որ ծրագրի վերջնական նպատակը Թուրքիայի քաղաքացուն տիեզերք ուղարկելն է:
Բացի այդ, Էրդողանը նշել է երկրի՝ ռազմական և քաղաքացիական կարիքների համար նոր արբանյակներ գործարկելու և արբանյակային նավիգացիոն համակարգ մշակելու, արբանյակների միջոցով օդերևութաբանական տվյալների ստացման և Երկրից տիեզերական օբյեկտներին հետևելու, տիեզերական արդյունաբերությունը զարգացնելու և անձնակազմ պատրաստելու և տիեզերական արդյունաբերության համար տիեզերագնաց պատրաստելու աշխատանքները։
