Փաշինյանը՝ կինոյում, նա կարող էր «Օսկարի» հավակնել․ ավելի քան 1 ժամ դիրիժորություն արեց, կարծես հիպնոզ էր և ամենից շատ նման էր 2018 -ի հանրահավաքներին․ Kommersant
Kommersant պարբերականը ծավալուն հոդվածով անդրադարձել է նախօրեի երեկոյան Նիկոլ Փաշինյանի հանրահավաքին, նրա հնչեցրած մտքերին, հայտարարելով, որ Փաշինյանը ցույց տվեց, որ ինքը կարող է լինել իշխանություն, միևնույն ժամանակ ամբողջությամբ հեղափոխական պայքար մղել հակառակորդների դեմ։«Նիկոլ Փաշինյանին հաջողվում է իրականացնել անհնարինը քաղաքականության մեջ: Ունենալով երկրի ողջ իշխանությունը՝ նա, անհրաժեշտության դեպքում, ակնթարթորեն ընտելանում է հեղափոխականի դերին: Եվ այս մոգությունն աշխատում է: Մարտի 1-ին, նրա կոչով, վարչապետի տասնյակ հազարավոր կողմնակիցներ հնազանդորեն լցվեցին մայրաքաղաքի Հանրապետության հրապարակը։
Այս օրը նրանք այստեղ էին պետք պարոն Փաշինյանին: Վարչապետի հանրահավաքին գրեթե միաժամանակ ընդդիմությունը, որը միավորված էր «Հայրենիքի փրկության շարժում» -ում, իր հանրահավաքը անցկացրեց խորհրդարանի առջև: Եվ Նիկոլ Փաշինյանի համար կարևոր էր ցույց տալ, թե ում կողմն է աջակցությունը: Դա աշխատեց. Հանրապետության հրապարակի բազմությունը ավելի տպավորիչ էր թվում, քան հակակառավարական ցույցը»,-այս մասին գրում է Kommersant-ը:
Նշվում է, որ Փաշինյանը հրապարակ մտավ կառավարության շենքից անվտանգ միջանցքի երկայնքով, որը նախապես կազմված էր ոստիկանության կողմից, բարձրացավ բեմ և ավելի քան մեկ ժամ դիրիժորություն արեց՝ ստիպելով «ամբոխին հավանության տալով գոռալ, ապա վրդովվելով բզզալ, ապա հնազանդորեն լռել»:
«Դա կարծես հիպնոզ էր և ամենից շատ նման էր 2018 թավշյա հեղափոխության հանրահավաքներին:
Խաղար Նիկոլ Փաշինյանը կինոյում, նա կարող էր «Օսկարի» հավակներ:
Եթե չիմանաս, որ բեմից խոսում է մի մարդ, ով երեք տարի ղեկավարում է երկիրը, կարելի է կարծել, որ պայծառ հռետորը ընդդիմության առաջնորդն է, ով ժողովրդին բարձրացնում է ռեժիմի դեմ պայքարելու համար:
Այն փաստը, որ նա այստեղ իշխանություն է, պարոն Փաշինյանը հասկացնել տվեց միայն մեկ անգամ՝ ելույթի սկզբում ներողություն խնդրելով սխալների համար, իսկ ելույթի մնացած մասն արդեն ոչ թե Փաշինյան-վարչապետն էր, այլ Փաշինյան-հեղափոխականը»,-գրում է Kommersant-ը:
Կայքը գրում է, որ Փաշինյանի հավաքը պատասխան էր ընդդիմության և Գլխավոր շտաբի սպաների՝ իր պաշտոնանկության մասին պահանջներին, որոնք նա անվանեց «ժողովրդից իշխանությունը խլելու փորձ»:
