Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

04 մար 2021 13:16

Զարմանում եմ, երբ մեր երկրում առաջարկում են դատավորներ ներմուծել դրսից. ՀՀ դատական համակարգից դատավորները շարունակում են հեռանալ

ՀՀ դատական համակարգից դատավորները շարունակում են հեռանալ: Այս մասին այսօր՝ մարտի 4-ին, Ազգային ժողովի նիստում, Վճռաբեկ դատարանի դատավորի ընտրության հարցի քննարկման ժամանակ ասաց դատավորի թեկնածու Արսեն Մկրտչյանը:

Նրա խոսքով՝ մի քանի տարի առաջ, երբ իր գործընկերը հեռացման դիմում գրեց, պատճառը հետեւյալն էր. «Նա այդ ժամանակ ասաց, որ ամաչում է ինչ-որ տեղ ասել, որ ինքը դատավոր է»:

«Հարգելի՛ պատգամավորներ, ես ամեն ինչ հասկանում եմ, եւ՛ քաղաքական նպատակները, եւ՛ խնդիրները, եւ՛ հետեւանքները, սակայն դուք այդ դահլիճից շատ մեծ ազդեցություն ունեք մեր հանրության վրա: Դուք եք կատեգորիկ դարձրել դատավորներին»,-ասաց թեկնածուն:

Նա վստահություն հայտնեց, որ վերջին խորհրդարանական քննարկումներից եւ դատավորների խայտառակումից հետո կրկին խնդիրներ կառաջանան: Այդ պատճառով, ինչպես կարծիք հայտնեց Արսեն Մկրտչյանը, մարդիկ պարզապես չեն մտածի դատավոր դառնալու մասին: «Զարմանում եմ, երբ մեր երկրում առաջարկում են դատավորներ ներմուծել դրսից: Արդյո՞ք կկարողանանք մեր լավագույն իրավաբաններին համոզել դատավոր աշխատել: Ունե՞նք այդ գործիչը»,-հարց ուղղեց թեկնածուն՝ դիմելով պատգամավորներին:

Մեկնաբանություններ


Համընկնող լուրեր