600 դոլարով զրահաբաճկոններ են գնվել, որոնք այդպես էլ զինվորին չհասան.ինչի վրա է մսխվել 52 միլիարդը
«600 դոլարով զրահաբաճկոններ են գնվել, որոնք այդպես էլ զինվորին չհասան». զոհված զինվորների ծնողները հաշվետվություն են պահանջում՝ ինչի վրա է մսխվել «Հայաստան» համահայկական հիմնադրամի 52 միլիարդը, գրում է Մեդիապորտ տելեգրամ ալիքը։Փաշինյանի հանձնարարականով այդ գումարները մուտք են արվել կառավարության հաշվին և ծախսվել անհայտ նպատակներով։
Զոհված զինվորների հինգ տասնյակից ավելի ծնողներ հայտարարություն են տարածել՝ պահանջելով «Հայաստան» համահայկական հիմնադրամից ամենայն մանրամասնությամբ հաշվետու լինել, թե ինչ է եղել այդ 52 միլիարդի հետ, ինչպես նաև հիմնավոր փաստերով հերքել կամ հաստատել տեղեկությունը, որ այդ գումարից 4,5 միլիարդն ուղղվել է պահեստազորայինների համար սնունդ ձեռք բերելուն:
«600 դոլարով զրահաբաճկոններ են գնվել, որոնք այդպես էլ զինվորին չհասան, կանխիկացված հսկայական գումարներ, որոնք չգիտես ինչու տնօրինում էր ոչ թե բանակը, այլ ՔՊ-ի «սրբին» մոտ կանգնած դեմքերը: Մենք հետամուտ ենք լինելու այս հարցերի պատասխանները ստանալու համար»,-նշված է հայտարարությունում:
