Արցախի ԱԱԾ–ի արձագանքը՝ խաղաղապահների «հակատեռորիստական» օպերացիայի մասին լուրերին
Արցախի ԱԱԾ–ն հայտարարել է, որ խաղաղապահ ուժերի իրականացրած «հակատեռորիստական» օպերացիայի և ԱՀ ԱԱԾ ծառայողներին աշխատանքից ազատելու վերաբերյալ լուրերը չեն համապատասխանում իրականությանը։«Ռուսական խաղաղապահ ուժերի և Արցախի քաղաքացիների միջև տեղի է ունեցել ճանապարհատրանսպորտային միջադեպ, որին ներկա են եղել նաև ԱՀ ԱԱԾ ծառայողները: ԱՀ ԱԱԾ ծառայողների առնչությունը միջադեպին պարզելու համար ծառայողական քննություն է անցկացվում»,–նշված է հաղորդագրության մեջ:
Ավելի վաղ սոցցանցերում տեղեկություն էր տարածվել, թե ԱԱԾ աշխատողները փորձել են առաջ անցնել ռուս խաղաղապահների զորախմբի ավտոշարասյունից, ինչից հետո ԱԱԾ–ականների մեքենան հրել են դեպի ճանապարհի եզր։
