Շոյգուն՝ ռուսական բանակի աշխարհում ամենաժամանակակիցը լինելու մասին, գերազանցել են աշխարհի բոլոր բանակներին
ՌԴ զինված ուժերը ռազմավարական միջուկային ուժերում ժամանակակից տեխնոլոգիաների մասնաբաժնի համեմատությամբ գերազանցել են աշխարհի բոլոր բանակներին: Այս մասին հայտարարել է Ռուսաստանի պաշտպանության նախարարության ղեկավար Սերգեյ Շոյգուն «Ռոստվերտոլ» ընկերության անձնակազմի հետ հանդիպմանը:«Ռուսական բանակն ունի ավելի քան 70 %, իսկ ավելի ճիշտ, գրեթե 71 % ժամանակակից զենք և տեխնիկա: Սա աշխարհի բոլոր բանակների շրջանում ամենաբարձր տոկոսն է», - ասել է նախարարը:
Միևնույն ժամանակ, երկրի ռազմավարական միջուկային ուժերը 83 տոկոսով հագեցած են ժամանակակից տեխնոլոգիայով, շեշտել է Շոյգուն: Նրա խոսքերով, վերջին տասնամյակում հնարավոր է եղել արմատապես վերափոխել բանակը, ինչպես նաև հասարակության մեջ դրա նկատմամբ վերաբերմունքը:
Եթե նախկինում ինչ-որ մեկը կարող էր հայտարարել, որ «հերթական պահածոները տանում են շքերթին», ապա այսօր որևէ մեկը նույնիսկ չի խոսում այդ մասին»,-ավելացրել է ՊՆ ղեկավարը:
