Նոր սադրանքնե՞ր ՝ շփման գծում և սահմանին.Հասանովը հանձնարարականներ է տվել Ղարաբաղում տեղակայված զորամասերի հրամանատարներին
Զաքիր Հասանովն այսօր հավաքել է բանակի ղեկավար կազմին, հայտնում է Sputnik Азербайджан-ը:«Ադրբեջանի պաշտպանության նախարարը վերլուծել է Հայաստանի զինված ուժերի կողմից սադրանքների արդյունքում սահմանին ստեղծված իրավիճակը։ Եւ համապատասխան հանձնարարականներ է տվել Ղարաբաղում տեղակայված զորամասերի հրամանատարներին»,-նշվում է հաղորդագրությունում:
Ի դեպ, սահմանային լարվածության պատասխանատվությունը Հասանովը դրել է հայկական կողմի վրա:
Հիշեցնենք, որ վերջին 10 օրերի ընթացքում Ադրբեջանը պարբերաբար խախտում է հրադադարի ռեժիմը Երասխի (Նախիջևան-Հայաստան) հատվածում, ինչպես նաև այլ հատվածներում, այդ թվում ՝ Արցախում։
