Կարո՞ղ է արդյոք գրիպի դեմ պատվաստումն օգնել COVID-19-ի դեմ          Անընդունելի է երկրների կողմից ահաբեկչական կազմավորումների օգտագործումը ռազմաքաղաքական նպատակներով. Փաշինյան       «Հայկական ժամանակ» օրաթերթն այլևս չի տպագրվում. «Հրապարակ»    

05 օգոս 2021 19:27

Իսրայելցի հնագետները հայտնաբերել են Աստվածաշնչում նկարագրված երկրաշարժի հետքերը

Իսրայելցի հնագետները, Երուսաղեմում գտնվող Դավթի քաղաքում իրականացված պեղումների ժամանակ, հայտնաբերել են Հուդայի թագավորության ժամանակաշրջանի երկրաշարժ հետքեր, որը նկարագրված է Աստվածաշնչում։ Այդ մասին գրում է РИА Новости-ն՝ հղում անելով Իսրայելի հնությունների վարչության մամուլի ծառայությանը։

«Հայտնի երկրաշարժը, որը գրանցվել է Իսրայելում մոտ 2800 տարի առաջ, հիշատակվում է Աստվածաշնչում և ավելի վաղ դրա հետևանքները հայտնաբերվել էին Իսրայելի ողջ տարածքով մեկ սփռված տեղանքներում։ Սակայն հետազոտողները կարծում են, որ առաջին անգամ հաջողվել է նույնականացնել փլուզումների մնացորդները, որոնք վկայում են այն մասին, որ երկրաշարժը գրանցվել է նաև Հուդայի մայրաքաղաք Երուսաղեմում»,- նշում է իսրայելական գերատեսչության մամուլի ծառայությունը։

Այսպես, հայտնաբերվել է փլուզումների շերտը, այդ թվում խոհանոցային պարագաներ, պահպանման համար նախատեսված անոթներ, որոնք կոտրվել են շենքի պատերի փլուզման հետևանքով։

Հետազոտողների խոսքերով՝ քանի որ հրդեհի ոչ մի նշան չի հայտնաբերվել, դա կանխամտածված իրադարձություն չի եղել, իսկ շենքի փլուզման պատճառն Իսրայելում մ.թ. ա. 8-րդ դարում (Հուդայի թագավորության ժամանակաշրջան) տեղի ունեցած երկրաշարժն է։

Մեկնաբանություններ

Համընկնող լուրեր