Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ          Պարզվել է վանաձորցի 20-ամյա հղի կնոջ մահվան պատճառը       Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին    

27 օգոս 2021 14:33

Եթե պատերազմը շարունակվեր, մենք ավելի շատ կորուստներ կունենայինք․կարող էինք դժվարությունների բախվել Քարվաճառում և Բերձորում

Եթե 2020 թվականի աշնանը​​ պատերազմը չդադարեր, ապա Ադրբեջանը ավելի շատ կորուստներ կունենար: Այս մասին հինգշաբթի ասել է Ադրբեջանի նախագահ Իլհամ Ալիևը՝ ելույթ ունենալով  պատերազմում զոհվածների ընտանիքներին բնակարաններով և ավտոմեքենաներով ապահովելու արարողությանը: Նրա խոսքերը մեջբերում են ադրբեջանական լրատվամիջոցները:


«Նոյեմբերի 10-ի գիշերը Հայաստանը ստորագրեց հանձնման ակտը, և պատերազմն ավարտվեց: Մեզ համար բացարձակապես ողջամիտ էր պատերազմի ավարտը: Եթե ​​պատերազմը շարունակվեր, մենք ավելի շատ կորուստներ կունենայինք»,- ասել է նա:


Ալիևի խոսքով՝ ադրբեջանական կողմը կարող էր դժվարությունների բախվել Քարվաճառում և Բերձորում:


«Այս տարածաշրջանի կլիմայական պայմանները, լեռները կարող էին խնդիր ստեղծել մեզ համար: Բացի այդ, ձմեռն էլ մոտենում էր»,- նշել է նա:


Նոյեմբերի 9 -ին Երևանի, Մոսկվայի և Բաքվի կողմից ստորագրված եռակողմ հայտարարության համաձայն՝ Ադրբեջանին հանձնվել են երեք շրջաններ՝ Ակնան, Քարվաճառը և Բերձորը:


Մեկնաբանություններ


Համընկնող լուրեր