Տեսանյութ.Հրապարակում է միայն հիմնավոր փաստեր ու կան ավելին.Ադրբեջանցիները դիտավորյալ հրդեհում են Կութ գյուղի տարածքը. ՄԻՊ–ը նոր ապացույց է հրապարակել
Ադրբեջանի Պաշտպանության նախարարությունը երեկ պաշտոնական հայտարարությամբ փորձել է հերքել ՀՀ մարդու իրավունքների պաշտպանի հրապարակած անհերքելի փաստերը։ ՀՀ մարդու իրավունքների պաշտպանը վերահաստատում է իր հայտարարությունը, որ ադրբեջանական զինծառայողները Գեղարքունիքի Սոթք եւ Կութ գյուղերի հարեւանությամբ՝ իրենց վրանների մոտից, դիտավորյալ հրդեհներ են գցում:
Ադրբեջանի Պաշտպանության նախարարությունը երեկ պաշտոնական հայտարարություն է տարածել՝ հերքելով հրապարակված անհերքելի փաստերը:
Այս բոլոր փաստերը Մարդու իրավունքների պաշտպանի աշխատակազմ են փոխանցել գյուղերի բնակիչները: Մենք դա հիմնավոր ստուգել ենք մի քանի աղբյուրից, այդ թվում՝ օբյեկտիվ ապացույցներով:
Հայտարարությամբ որոշվել էր հրապարակել ոչ բոլորը, բայց ադրբեջանական ՊՆ հերքումից հետո լրացուցիչ տեսանյութ-ապացույց ենք հրապարակում, որ հենց Կութ գյուղից է արված երկու օր առաջ՝ ժամը 22:30-ի սահմաններում:
Այնպես որ Ադրբեջանի Պաշտպանության նախարարությունը նպատակ ունի կոծկելու իրենց հանցավոր արարքները ՀՀ քաղաքացիական բնակչության նկատմամբ, այն էլ ՀՀ ինքնիշխան տարածքում, իսկ նրանց զինված ուժերը պետք է բացառեն ՀՀ քաղաքացիների իրավունքների խախտումները:
Բոլորը պետք է միշտ նկատի ունենան, որ Հայաստանի մարդու իրավունքների պաշտպանը հրապարակում է միայն հիմնավոր փաստեր ու կան ավելին, քան հրապարակված է: Դրանք բոլորը արձանագրվում եւ ուղարկվում են միջազգային կազմակերպություններին:
