Համացանցում հերթական խաբեությունն է տարածվում
Անձնական տվյալների պաշտպանության գործակալությունից տեղեկացնում են․«Հարգելի քաղաքացիներ, համացանցում հերթական խաբեությունն է տարածվում։ Հորդորում ենք չվստահել նմանօրինակ կեղծ խաղարկություններին, չփոխանցել որևէ անձնական տվյալ, հատկապես՝ բանկային քարտի տվյալներ: Խորհրդատվության համար կարող եք դիմել Անձնական տվյալների պաշտպանության գործակալություն»:
Համացանցում խաբեության շրջանառման մասին տեղեկացրել է նաև «Քարֆուր Հայաստանը»․
«Համացանցում տարածվում է կեղծ խաղարկություն Քարֆուր Հայաստանի անունից։ Էկրանին հայտնված պատուհանը տեղեկացնում է, թե իբր դուք պատասխանելով հարցաշարի հարցերին հնարավորություն կունենաք շահել որոշակի գումար՝ Քարֆուր Հայաստանի կողմից կազմակերպված խաղարկությունում:
Քարֆուր Հայաստանը տվյալ խաղարկության հետ ո՛չ մի առնչություն չունի։ Բոլոր խաղարկությունները, որոնք կազմակերպում ենք մենք, անցկացվում են մեր պաշտոնական էջերում»։
