Տեսանյութ.«Խոյ» համայնքի ղեկավարի թեկնածու Գուրգեն Գրիգորյանը մրցակիցներին հրավիրում է բանավեճի          Տեսանյութ.Կտրուկ գործողություններ եք ուզում, եկե՛ք իրագործենք. Ժիրայր Սեֆիլյան       Տեսանյութ.Սյունիքը զավթելու սպառնալիք կա, եռյակ թշնամին չի նահանջում    

17 սեպ 2021 15:14

Անդրանիկ Քոչարյանը կրկին օգտագործեց Էյվազլար ադրբեջանական տեղանունը

«Նիկոլ Փաշինյանը հայտարարեց, որ ադրբեջանական զինված ուժերն կանգնած են Խորհրդային Ադրբեջանի սահմանին, ես ուզում եմ հասկանալ, թե արդյո՞ք մեր տղաները զոհվել են հանուն խորհրդային Ադրբեջանի սահմանների»,-ParaTV-ի լրագրողը հարց ուղղեց խորհրդարնական  ճեպազրույցին ներկայացած ՔՊ խմբակցության պատգամավորներին:


ԱԺ Պետական-իրավական հարցերի  մշտական հանձնաժողովի նախագահ, ՔՊ-ական Անդրանիկ Քոչարյանը հարցին անդրադառնալիս կրկին շեշտեց տեղանքի ադրբեջանական անունը:


«Ճանապարհի Էյվազլար հատվածում ադրբեջանական ոստիկանական ուժերը վերջին օրերին գործողություններ են իրականացրել, և այդ գործողությունները չեն տեղավորվում սահմանային խնդիրների տրամաբանության շրջանակում»,-ասաց Անդրանիկ Քոչարյանը:


Նա տեղեկացրեց, որ Ադրբեջանի ոստիկանության ուժերը կանգնեցնում են պարսկական մեքենաները և գումար են վերցնում պարսկական բեռնատար մեքենաներից և այն մաքսայի՞ն գործողություն է, թե՞ ապօրինի գործողություն՝ Իրանի ու Ադրբեջանի միջև պիտի ճշտվեն:


«Դրանք չեն վերաբերում Զանգեզուրից դեպի Հայաստանի տարածքներ տեղաշարժերին: Հիմա մեր սահմանապահ զորքերի տեղակայումը, ադրբեջանական ուժերի տեղակայումը և ռուս սահմանապահների տեղակայումն այդ հատվածում լուծում է, որպեսզի անվտանգության հետ կապված խնդիրներ չառաջանան, չկրակենք իրար վրա, մինչև մտնենք այն փուլ, որտեղ պետք է ճշտվեն սահմանային դեմարկացիայի և դելիմիտացիայի հետ առնչվող խնդիրները»,-հայտնեց ՔՊ խմբակցության պատգամավորը:


Պատգամավորը հայտնեց, որ Գորիս-Կապան ճանապարհի այդ հատվածը շրջանցող ճանապարհի շինարարական աշխատանքները գնում են բայց և նկատեց, որ բարդություններ կան, որովհետև մեծ քաշայնություն ունեցող տրանսպորտային միջոցների համար դժվարանցանելի են:


«Այս պահի դրությամբ որևէ լարվածություն չկա, հերթեր չկան, բայց դա չի նշանակում, որ ճանապարհի խնդիրը լուծված է: Ճանապարհի խնդրի լուծման համար Կառավարությունը որոշում կայացրեց 1 միլիարդ դոլար ներդրումային ծրագրի մասին»,- վստահեցրեց Անդրանիկ Քոչարյանը և հավելեց. «Ճանապարհները կկառուցվեն, բայց դրանց հետ կապված էլ ադրբեջանական կողմը լարվածություններ կառաջացնի, բայց մեր խնդիրն է լուծումներ գտնել: Գլխավորը, որ դա չբերի այլ բնույթի լարվածության»:
 


Մեկնաբանություններ

Համընկնող լուրեր