Տեսանյութ.Ոստիկանները «Եռաբլուր»-ից բերման ենթարկեցին զոհված զինծառայողի հորը.Մտեք ձեր սահմանը, ձեր տեղը. Լրագրողներին թույլ չտվեցին լուսաբանել վարչապետի այցը «Եռաբլուր»
Ոստիկանները «Եռաբլուր» զինվորական պանթեոնից բերման ենթարկեցին զոհված զինծառայող Լեւոն Գալստյանի հորը՝ Արմեն Գալստյանին: Մինչ այդ նա հանգիստ լրագրողների հեր զրուցում էր, պատմում էր, թե ինչպես է որդին 2020-ի նոյեմբերի 23-ին եւ 24-ին զանգել իրեն, ասել, թե որտեղ են թաքնվում: Իսկ արդեն նոյեմբերի 27-ին ադրբեջանցիները հանձնել են որդու եւ նրա ընկերների դիակները:Նշենք, որ այս պահին «Եռաբլուրում են» բարձրաստիճան պաշտոնյաները:
Լրագրողներին թույլ չեն տալիս առաջանալ եւ հարցեր ուղղել պաշտոնյաներին: Մեծ թվով կարմիրբեերետավորներ են հավաքված:
Ոստիկանները որեւէ պատասխան չտվեցին, թե ինչու թույլ չեն տալիս լրագրողներին առաջանալ:
«Ով ձեզ ասել է, թե որտեղ կանգնեք, իրենից էլ հարցրեք, թե ձեր հետագա գործունեությունն ինչպես եք ծավալելու: Առանց մեկնաբանությունների, մենք մեր ծառայությունն ենք անում: մեզ հարցեր մի տվեք»,-ասաց ոստիկաններից մեկը:
Լրագրողները նշեցին, որ իրենց հրավիրել են լուսաբանելու վարչապետի այցը «Եռաբլուր», չեն հրավիրել լուսաբանելու մինչեւ աստիճաններ. «Կարո՞ղ եք հիմք ցույց տալ, որ թույլ չեք տալիս: Կամ նշեք, թե ո՞վ է ձեզ հանձնարարել թույլ չտալ»,-ասացին լրագրողները:
Քիչ անց լրագրողներին մոտեցավ քաղաքացիական համազգեստով անվտանգության աշխատակիցներց մեկը եւ ասաց. «Պետական մակարդակով անցկացվում է միջոցառում: Մենք ոչ մեկին չենք խանգարում: Խնդրում եմ՝ մտեք ձեր սահմանը, ձեր տեղը, ձեզ համար նախատեսված վայրը»:
Դրանից հետո եկան կարմիրբերետավորները, շարքով կանգնեցին եւ փակեցին լրագրողների դիմացը:
