Տեսանյութ.Էլի զիջումներ են լինելու, սահմանազատումը ևս լինելու է միայն մեր հաշվին.Տարածաշրջանի բոլոր երկրները միայն մեր հաշվին փորձում են իրենց հարցերը լուծել
Տարածաշրջանի բոլոր երկրները միայն մեր հաշվին փորձում են իրենց հարցերը լուծել, զիջումներ անում ենք միայն մենք։ Այս մասին «Փաստինֆո»-ի եթերում ասել է միջազգայնագետ Սուրեն Սարգսյանը։Նրա խոսքով՝ սահմանազատումն ու սահմանագծումը ևս լինելու է միայն մեր հաշվին։
«Չգիտես ինչի սահմանների ճշգրտումը տեղի է ունենում միայն մեր հաշվին, իսկ Ադրբեջանը մեզ ոչինչ չի՞ տալու, դա ոնց հասկանանք։ ՀՀ-ն թույլ է, բոլորից ցնցվում ենք, վախենում ենք, չունենք սուբյեկտայնություն, չենք կարողանում ճիշտ բանակցենք»,- ասել է փորձագետն ու հիշեցրել Տեր-Պետրոսյանի խոսքերն առ այն, որ ռուսները Փաշինյանին ասում են, բայց ինքը չի հասկանում ինչ են ասում։
«Մենք ոչ թե խաղաղության, այլ զիջումների դարաշրջան ենք բացում, այսինքն՝ մենք միայն զիջում ենք, ու տալիս ենք այն, ինչ հնարավոր էր տալ, այն ինչ մեզանից երազել են պոկել, այդ թվում պատերազմով ու չենք կարողացել , բայց հիմա մենք տալիս ենք»,- ասել է Սարգսյանը։
Բանախոսն անդրադարձել է նաև ՀՀ-ի շուրջ հետպատերազմյան շրջանում ստեղծված արտաքին միջավայրին։
Մանրամասները՝ տեսանյութում։
