Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս          Մարդը չի կարողացել անգամ արցախցիներին անվտանգ բենզին բաժանել, բայց հիմա խորհուրդ է տալիս Հայաստանին       Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ    

04 դեկ 2021 16:16

Հետագա գործընթացների հետ կապված շատ վատ կանխատեսումներ ունեմ. ամեն նման անհաջողությունը, կարծես, պատերազմական իրավիճակ է առաջացնում.

Սոչիում Հայաստանի, Ռուսաստանի և Ադրբեջանի ղեկավարները միաբերան հայտարարեցին, որ բոլոր հարցերի կապակցությամբ ձեռք են բերվել պայմանավորվածություններ, և հետագայում կողմերը պետք է հետամուտ լինեն դրանց կատարմանը։ Բայց շատ կարճ ժամանակ անց Մոսկվայում տեղի ունեցավ երեք երկրների փոխվարչապետների շատ ծանր, տապալված հանդիպումը. այնպես որ, հետագա գործընթացների հետ կապված շատ վատ կանխատեսումներ ունեմ, Aysor.am-ի թղթակցի հետ զրույցում ասաց քաղաքագետ Գարիկ Քեռյանը՝ անդրադառնալով Ստոկհոլմում Հայաստանի և Ադրբեջանի արտգործնախարարների չկայացած հանդիպմանը։


«Սոչիի հանդիպման ժամանակ կողմերը չմանրամասնեցին, թե համաձայնությունն ինչ ֆորմատով է կայացել։ Քանի որ ընդհանուր ասվեց՝ համաձայնություն է ձեռք բերվել, տպավորությունը դրական եղավ։ Բայց փոխվարչապետերի մոսկովյան հանդիպման տապալումից հետո շատ հիասթափեցնող տրամադրություններ հաջորդեցին՝ պարզ դարձնելով, որ կողմերը նորից չեն կարողանում առաջ գնալ», - նշեց Գարիկ Քեռյանը։


Անդրադառնալով Ստոկհոլմում Հայաստանի և Ադրբեջանի ԱԳ նախարարների չկայացած հանդիպմանը՝ քաղաքագետը նկատեց՝ այն պետք է հիմք դառնար դեկտեմբերի 15-ին Բրյուսելում կայանալիք Փաշինյան-Ալիև հանդիպման և հաջորդող մյուս հանդիպումների համար։


«Քանի որ այսպիսի անհաջողություն տեղի ունեցավ, ես սա իսկապես մեզ համար համարում եմ մեծ անհաջողություն, ամեն նման անհաջողությունը, կարծես, պատերազմական իրավիճակ է առաջացնում», - ամփոփեց Գարիկ Քեռյանը։


Նշենք, որ Բաքուն պարզաբանել է, թե ինչու նպատակահարմար չի գտել Ադրբեջանի և Հայաստանի ԱԳ նախարարների միջև նախատեսված հանդիպումը Ստոկհոլմում։


Մեկնաբանություններ


Համընկնող լուրեր