Ուղղակի խուճապն է մեծ եղել.Վանաձորում մարդիկ տաք հագուստներով, ծածկոցներով ողջ գիշեր դրսում են մնացել
Փետրվարի 13-ին տեղի ունեցած երկրաշարժից հետո մի շարք վանաձորցիներ դրսում են գիշերել։«Այն սերունդը, որը 88-ի երկրաշարժը տեսել է, կարելի է ասել գիշերել է դրսում», ասաց Վանաձորի ավագանու «Հայրենիք» խմբակցության ղեկավար Վահե Դոխոյանը։ Նրա փոխանցմամբ՝ մարդիկ տաք հագուստներով, ծածկոցներով ողջ գիշեր դրսում են մնացել.«Իրականում 88-ից հետո նման ուժգնությամբ ցնցում դեռ չէր եղել։ Բնակարաններում ճաքեր են ավելացել, քարեր են թափվել, կահույք է շրջվել, բայց շենքերում ավերածություններ չկան, այս պահին կարծում եմ համապատասխան մարմինները շենքերում ուսումնասիրություններ են իրականացնում հետևանքների ուղղությամբ»,-ասաց Դոխոյանը։
Նրա փոխանցմամբ մեծ ավերածություններ, մարդկային զոհեր չկան, ուղղակի խուճապն է մեծ եղել։
