Այն, ինչ կատարվում է Դոնբասում, տագնապալի լուրեր են, պոտենցիալ շատ վտանգավոր
Ռուսաստանի նախագահի մամուլի քարտուղար Դմիտրի Պեսկովը մեկնաբանել է իրավիճակը Դոնբասում։ «Այն, ինչ կատարվում է Դոնբասում, տագնապալի լուրեր են, որոնք առաջացնում են տագնապի զգացողություն, և դրանք պոտենցիալ շատ վտանգավոր են»,- ճեպազրույցի ժամանակ ասել է Կրեմլի ներկայացուցիչը։ Լրագրողները նաև հարցրել են Պեսկովի կարծիքը այն լուրերի վերաբերյալ, թե ԱՄՆ նախագահ Ջո Բայդենը և նրա օգնականները օգտվում են երկրի 17 հետախուզական կառույցների ծառայություններից, իսկ ինչպես են Ռուսաստանում գործերը՝ կապված հետախուզական ծառայությունների հետ։
«ԱՄՆ հետախուզական ծառայությունները շատ տարբեր են: (ՌԴ նախագահ) Պուտինի մոտ ամեն ինչ լավ է, մեզ մոտ (հետախուզական ծառայությունները) այդքան շատ չեն, բայց դրանք գործում են ոչ պակաս արդյունավետությամբ»,- ասել է մամուլի քարտուղարը։
