Ուկրաինացի զինվորականների գնդակոծությունների հետևանքով կան զոհեր. կանգառում կանգնած խաղաղ բնակիչ է մահացել
![](https://www.shantnews.am/wp-content/uploads/2021/04/de870b23add49ff1825045efdc0327ca.jpg)
Այս մասին հայտնել է Դոնեցկի Ժողովրդական ոստիկանությունը և հավելել, որ այդ մարդը հանքափոր էր։
Տղամարդը կանգնած է եղել կանգառում` առավոտյան հերթափոխին գնալու համար։ Այդ ընթացքում Տրուդովսկայա բնակավայրը գնդակոծել են 120 միլիմետրանոց ականանետերից։ Ուկրաինացի ուժայինները 2 ական են արձակել։
Ուկրաինայի կողմից գիշերային գնդակոծությունների հետևանքով զոհվել են ԴԺՀ-ի 1 զինծառայող, ևս մեկը ծանր վիրավորվել է, 2ը՝ վիրավորվել, հայտնել են ԴԺՀ-ից:
Հաղորդվում է նաև Դոնեցկում 2 դպրոցի գնդակոծման մասին. վնասվել են շենքի ճակատային հատվածը և պատուհանները:
Գերատեսչությունում ճշտել են, որ մեկ գիշերվա ընթացքում ուկրաինական կողմից արձակվել է 122 և 120 մմ տրամաչափի 62 արկ:
Հիշեցնենք` փետրվարի 17-ին իրավիճակը Դոնբասում սրվել է։ Ինքնահռչակ Դոնեցկի և Լուգանսկի ժողովրդական հանրապետությունները հայտարարել են ուկրաինական ուժայինների կողմից տասնյակ գնդակոծությունների մասին:
ԴԺՀ-ի և ԼԺՀ-ի ղեկավարությունը հայտնել է քաղաքացիների ժամանակավոր տարհանման մասին Ռոստովի մարզ՝ կապված Ուկրաինայի ներխուժման սպառնալիքի հետ: Առաջին հերթին դա վերաբերում է կանանց, երեխաներին և տարեցներին։