Դադարեցնել անվայել և պախարակելի գործելաոճը․ Մայր Աթոռը՝ իշխանությունների կողմից Բագրատ Սրբազանի դեմ արշավի վերաբերյալ          Տեսանյութ.Շիրակցիները փակել են Բավրայի անցակետ տանող ճանապարհը.խնդիրը տավուշցիներինը չի, սա հայկական խնդիր է       Կա թե ներքին ճնշում՝ հասարակության վրա, թե ճնշում՝ թշնամու կողմից. Տավուշը միայն Տավուշ չէ, սա վերաբերում է ՀՀ-ին՝ թե՛ մայրաքաղաքին, թե՛ մնացած հատվածներին    

24 փետ 2022 17:35

Ուկրաինայում դադարեցրել են պլանային հոսպիտալացումն ու վիրահատությունները մինչև առանձին կարգադրություն

ՈՒկրաինայում պլանային հոսպիտալացումն ու վիրաբուժական վիրահատությունները դադարեցվել են մինչև առանձին կարգադրություն։ Այս մասին հայտնել է երկրի առողջապահության նախարարության մամուլի ծառայությունը։

«Պլանային հոսպիտալացումը և վիրահատությունները դադարեցվել են մինչև առանձին կարգադրություն”, – ասված է Առողջապահության նախարարության կայքում զետեղված հաղորդագրության մեջ:

Գերատեսչությունում միաժամանակ հավաստիացրել են, որ երկրում ռազմական դրություն մտցնելու կապակցությամբ բուժհաստատությունները օգնություն կցուցաբերեն բոլոր նրանց, ովքեր դրա կարիքն ունեն:

«Գործարկվել են շտապ օգնության բոլոր տարածաշրջանային կենտրոնները, որոնք ապահովում են արտակարգ օգնության շարունակական, ինքնուրույն և շուրջօրյա մատակարարում», – ասված է հաղորդագրության մեջ: Գերատեսչության տվյալներով՝ բոլոր հիվանդանոցներն ապահովված են սննդի ինքնավար աղբյուրներով և կան դեղամիջոցների, բժշկական ապրանքների պաշարներ:

Ուկրաինայի Գերագույն ռադան փետրվարի 24-ին ռազմական դրություն է սահմանել Ուկրաինայի ամբողջ տարածքում:

Ռազմական դրությունը երկրի գործունեության հատուկ ռեժիմ է, որը սահմանվում է Ազգային անվտանգության, տարածքային ամբողջականության, ռազմական ագրեսիայի սպառնալիքի դեպքում: Ռազմական դրության գործողության ընթացքում պետական և տեղական իշխանության մարմինները, զինվորական հրամանատարությունները լրացուցիչ լիազորություններ են ստանում իրավիճակի շուտափույթ կայունացման նպատակով: Միևնույն ժամանակ կարող են սահմանափակվել քաղաքացիների բազմաթիվ իրավունքներն ու ազատությունները։

Մեկնաբանություններ


Համընկնող լուրեր