Հայաստանը որևէ դիրքորոշում չունի Ռուսաստան-Ադրբեջան դաշնակցային համաձայնագրի վերաբերյալ, որովհետև այդտեղ նորություն չկա
Հայաստանը դեմ է քվեարկել Ռուսաստանի ներկայացվածությունը ԵԽ-ում դադարեցնելուն։ Այս մասին այսօր լրագրողներին հայտնել է ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը։«Մեր դիրքորոշումը կայանում է նրանում, որ այս կոնֆլիկտը պետք է լուծվի դիվանագիտական ճանապարհով։ Իսկ որպեսզի դիվանագիտական ճանապարհով խնդիրը լուծվի, դիվանագիտական խողովակները, բնականաբար, պետք է առկա լինեն», - նշեց Աղաջանյանը։
Անդրադառնալով Ռուսաստան-Ադրբեջան դաշնակցային համաձայնագրին՝ նա նշեց, որ Հայաստանը որևէ դիրքորոշում չունի Ռուսաստան-Ադրբեջան դաշնակցային համաձայնագրի վերաբերյալ, որովհետև այդտեղ նորություն չկա, այսօր լրագրողներին ասել է ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը։
«Եթե համաձայնագրի տեքստին և դրույթներին ծանոթ եք, կարծում եմ, կարելի է արձանագրել, որ որևէ նորություն այստեղ գործնականում չկա։ Ըստ էության, այդ համաձայնագրով հաստատվում է այն իրողությունը, որը տարիներ շարունակ առկա է եղել ռուս-ադրբեջանական հարաբերությունների կոնտեքստում։ Քանի որ նորություն չկա, Հայաստանը որևէ դիրքորոշում չունի այդ հարցի վերաբերյալ»,- ասել է նա։
