Ադրբեջանը դադարեցրել Է Ռուսաստանի հետ բոլոր չվերթները
Ադրբեջանի պետական AZAL եւ Buta Airways ավիաընկերությունները հայտարարել են Ռուսաստան բոլոր չվերթների դադարեցման մասին:Այժմ Ադրբեջանը Ռուսաստանի քաղաքների հետ ուղիղ օդային հաղորդակցություն չունի։ Այս մասին հայտնում է Avianews.com-ը։
Նշենք, որ Ավիափոխադրողները հրաժարվել են Ռուսաստան չվերթներից այն պատժամիջոցների պատճառով, որոնք ԱՄՆ-ն ու Եվրամիությունը սահմանել են Ուկրաինա Ռուսաստանի ներխուժման հետևանքով։
Ադրբեջանական ավիաընկերություններն այլևս չեն կարող լիարժեք ապահովագրել ինքնաթիռները դեպի Ռուսաստան, գրում է Unian լրատվական գործակալությունը։
"Դա անհիմն ռիսկեր է ստեղծում մեր երկրների քաղաքացիների, ավիաընկերությունների եւ այլ իրավաբանական անձանց համար", — հայտարարել են AZAL-ում:
