Վերահսկողության տակ գտնվող տարածքներում հայեր են ապրում,նրանք Ադրբեջանի քաղաքացի են,հայկական զորամիավորումները պետք է դուրս բերվեն ԼՂ-ից. Ադրբեջանի փոխարտգործնախարար
«Ներկայումս ռուս խաղաղապահների վերահսկողության տակ գտնվող տարածքներում հայեր են ապրում․ մենք նրանց համարում ենք Ադրբեջանի քաղաքացի»։ Այս մասին հայտարարել է Ադրբեջանի փոխարտգործնախարար Խալաֆ Խալաֆովը։Նա նշեել է՝ Բաքվի համար կարևորագույն հարցերից մեկը հայերի ինտեգրումն է ադրբեջանական հասարակության մեջ.
«Հրադադարի խախտման դեպքեր են լինում, դրանք խոչընդոտում են խաղաղության ամրապնդմանն ու պետք է կասեցվեն»։
«Վստահ եմ, որ ռուս խաղաղապահները լիովին գիտակցում են իրենց առջև դրված խնդիրներն ու պարտականությունները։ Հայկական ապօրինի զորամիավորումները, որոնք գտնվում են այնտեղ, պետք է դուրս բերվեն, և գործընթացն այդ ուղղությամբ է լինելու։ Պետք է վերացվեն խաղաղությանը խանգարող բոլոր խոչընդոտները»,- հավելել է Խալաֆովը։
