ՌԴ-ն կիրառում է անհայտ միջոցներ, իր հրթիռները Ուկրաինայի հակաօդային պաշտպանության համար դառնում են անտեսանելի
Ռուսաստանը կիրառում է նախկինում անհայտ միջոցներ, որոնցով նրա հրթիռները կարողանում են հաղթահարել Ուկրաինայի հակաօդային պաշտպանությունը` դրա համար դառնալով անտեսանելի. պնդում է New York Times-ը՝ վկայակոչելով անանուն ռազմական պաշտոնյաների:Պարբերականի տվյալներով՝ մոտ 30 սանտիմետր երկարությամբ այդ կեղծիք-հրթիռները տեղադրված են «Իսկանդեր-Մ» բալիստիկ հրթիռների վրա։ Կեղծ հրթիռները հնարավորություն չեն տալիս ռադարներին՝ որսալ հիմնական թիրախը, ինչպես նաև մեծ ջերմություն են արձակում՝ իրենց վրա շեղելով թշնամու՝ ջերմություն փնտրող հրթիռները:
Ամերիկացի պաշտոնյաներն ասում են, որ միջուկային հրթիռների վրա նման խաբուսիկ թիրախներ են դրվում արդեն կես դար:
