Լուկաշենկոյի և Պուտինի հարաբերությունները «եզակի» են, նրանք միմյանց հասկանում են այնպես, ինչպես ոչ ոք, երբեմն կարող են նաև շատ կոշտ լինել
ՌԴ նախագահի մամուլի քարտուղար Դմիտրի Պեսկովը Բելառուսի եւ Ռուսաստանի ղեկավարների հարաբերություններն ունիկալ է անվանել, թեեւ խոստովանել է, որ Պուտինն ու Լուկաշենկոն հաճախ են կոշտ խոսում միմյանց հետ, գրում է «Sputnik-Բելառուս»-ը։ Այդ մասին Պեսկովը պատմել է «Բելառուս-1»-ին:«Ալեքսանդր Գրիգորեւիչը (Բելառուսի նախագահ Ալեքսանդր Լուկաշենկո - Sputnik) բացարձակապես ունիկալ հարաբերությունների մեջ է մեր նախագահի հետ։ Նրանց հարաբերություններն իսկապես յուրահատուկ ունեն»,- ասել է Պեսկովը։
Նրա խոսքով՝ պետությունների ղեկավարներն «ինչպես ոչ ոք» հասկանում են երկրներում եւ մեր շուրջը տեղի ունեցողի էությունը: Այդ կապակցությամբ նա անդրադարձել է Ուկրաինայի թեմային։
«Վստահ եմ, որ Ուկրաինայում տեղի ունեցողի համար Ալեքսանդր Գրիգորեւիչի սիրտը ոչ պակաս է ցավում, քան Վլադիմիր Վլադիմիրովիչինը։ Դա իսկապես այդպես է: Եւ նրանք հասկանում են միմյանց: Եվ այն տարաձայնությունները, որոնք մենք կարող ենք ունենալ, նրանք նույնպես հասկանում են», - ասել է Պեսկովը:
Նա նաեւ ընդգծել է, որ Պուտինի եւ Լուկաշենկոյի համար բոլոր ժամանակներում վճռորոշ է իրենց բարեկամական երկխոսության շարունակությունը։
«Չնայած, հավատացեք, նրանք երբեմն միմյանց այդքան էլ հաճելի բաներ չեն ասում, շատ կոշտ, որովհետեւ, ի վերջո, կան Բելառուսի շահեր եւ կան Ռուսաստանի շահեր։ Նրանք շատ կոշտ են պաշտպանում իրենց երկրների շահերը»,- ասել է Պեսկովը։
