Տեսանյութ.Պահանջում եմ կոշտացնել դիրքորոշումները, սթափեցնել Ղարաբաղի ղեկավարությանը, նրանց քայլերը հղի են լուրջ վտանգներով
«Քաղաքացիական պայմանագիր» խմբակցության պատգամավոր Գուրգեն Արսենյանը ԱԺ ամբիոնից հայտարարեց, որ Նիկոլ Փաշինյանից պահանջում է վերանայել այն սկզբունքներն ու այն աշխատանքային գործիքակազմը, որն իրականացվում է Հայաստանի ու Արցախի միջև.«Պահանջում եմ, որ Հայաստանի քաղաքական ղեկավարությունը սթափեցնի Ղարաբաղի ղեկավարությանն իր կողմից իրականացվող անհեռատես քաղաքականության համար, որովհետև, եթե Հայաստանը ձախողի խաղաղության գործընթացը, Հայաստանի՝ որպես երկիր լինելը դրվում է վտանգի տակ: Պահանջում եմ կոշտացնել դիրքորոշումները, ԱԱԾ-ից պահանջում եմ հասկանալ, թե ինչ են անում ու ուր են տանում այս գործողությունները, որովհետև մենք պատասխանատու ենք Հայաստանի ժողովրդի առջև, ժողովուրդը մեզ տվել է մանդատ ու ասել է՝ գնացեք ու ապահովեք խաղաղություն հարևանների հետ: Մենք արկածախնդիր որևէ քաղաքական թիմի կամ արկածախնդիր որևէ ղեկավարների չպետք է թույլ տանք խաղան ՀՀ անվտանգության հետ»,-հայտարարեց ՔՊ-ական պատգամավորը:
Նա նաև մեղադրանքներ հնչեցրեց խորհրդարանական ընդդիմության հասցեին՝ հայտարարելով, որ նրանց քայլերը հղի են լուրջ վտանգներով.
«Սա ՀՀ իշխանությունների ջանքերը՝ ուղղված խաղաղության օրակարգը ամրապնդելուն, տորպեդահարման ակտիվ փորձ է, որն իրականացվում է ադրբեջանական համապատասխան ուժերի հետ համագործակցությունը ապահովելու նպատակով»,-հայտարարեց ՔՊ-ական պատգամավորը:
