Կիևի հետ բանակցությունների դինամիկան այնքան էլ հաջող չէ.Համաձայնեցված կետերի շուրջ դիրքորոշումը հաճախ փոխվում է
Ռուս-ուկրաինական բանակցություններում առաջընթացի դինամիկան այնքան էլ հաջող չէ, ուկրաինական կողմը հաճախ փոխում է արդեն համաձայնեցված հարցերի շուրջ իր դիրքորոշումները։ Այս մասին երկուշաբթի լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։«Հատուկ ռազմական գործողությունը շարունակվում է։ [Ռուսաստանի նախագահ Վլադիմիր Պուտինը] բոլորովին վերջերս ասաց, որ այն ըստ պլանի է ընթանում։ Միաժամանակ, բանակցային գործընթացի շրջանակներում շարունակվում են փորձագիտական մակարդակով շփումները,- ասել է նա,- Ուզում եմ հիշեցնել նաեւ նախագահի խոսքերը, որ, ցավոք, ուկրաինական կողմն առանձնապես հետեւողականություն չի ցուցաբերում։ Համաձայնեցված կետերի շուրջ դիրքորոշումը հաճախ փոխվում է։ Բանակցային գործընթացում առաջընթացի դինամիկան այնքան էլ հաջող չէ»:
