Ռուսական զինուժի խոցած անգարներում եղել են թուրքական «Bayraktar TB2» ԱԹՍ-ներ
Մայիսի 3-ին ռուսական զինուժը գերճշգրիտ հրթիռներով հարված է հասցվել Օդեսայի ռազմական օդանավակայանի լոգիստիկ կենտրոնին, որտեղից իրականացվում էր սպառազինությունների ներմուծում։Այս մասին հայտնել է Ռուսաստանի պաշտպանության նախարարության խոսնակ, գեներալ Իգոր Կոնաշենկովը՝ նշելով, որ ոչնչացված անգարներում եղել են թուրքական արտադրության «Bayraktar TB2» անօդաչու թռչող սարքեր։ Ինչպես նաև հրթիռներ և զինամթերք, որոնք Ուկրաինան ստացել է ԱՄՆ-ից և Եվրոպական երկրներից։
Նախօրեին ուկրաինական զինուժը հայտարարել էր Սև ծովում թուրքական «Բայրաքթար» ԱԹՍ-ներով ոչնչացրել է ռուսական «Ռապտոր» տեսակի 2 պարեկային նավ: Դրանից հետո էլ ռուսական կողմը հայտարարել էր Սև ծովի Զմեինա կղզու վրա ռուսական հակաօդային պաշտպանության համակարգերը ոչնչացրել են թուրքական 3 «Բայրաքթար»։
