Արևմուտքը ցանկանում է Անդրկովկասից Ռուսաստանին դուրս մղել
Regnum.ru-ն գրում է, որ Անդրկովկասում Արևմուտքի քաղաքականությունն ուղղված է Ռուսաստանին այս տարածաշրջանից դուրս մղելուն։ Այդ մասին REGNUM-ի թղթակցին ասել է քաղաքագետ, Kavkazoved.info կայքի գլխավոր խմբագիր Անդրեյ Արեշևը։«Անդրկովկասում ակնհայտորեն դրսևորվում է արևմտամետ ուղղվածություն, և դա կապված է Բրյուսելի և Վաշինգտոնի քաղաքականության հետ, որն է Ռուսաստանից կովկասյան պետությունների քաղաքական առավելագույն հեռավորության պահպանելը և փոխադարձ թյուրըմբռնման հետ կապված կոնֆլիկտային օջախների կամ դավադրությունների հրահրման հետ։ Դա Մոսկվային կստիպի դիվանագիտական և, հնարավոր է, այլ կազմակերպչական ջանքեր գործադրել ի հայտ եկած այդ խնդիրները լուծելու համար: Այստեղ ոչ մի նոր և զարմանալի բան չկա, որոշ ժամանակ առաջ հրապարակվել է RANDCorporation-ի զեկույցը, որը նվիրված է Մոսկվայի ջանքերը բոլոր հնարավոր ոլորտներում ձգձգելու մարտավարությանը, առաջին հերթին կապված Ռուսաստանի ամենամոտ հարևանների հետ», - ասել է փորձագետը:
