Բելառուսում մտադիր են պաշտոնյաների և զինվորականների համար մահապատիժ սահմանել պետական ​​դավաճանության համար          5 զոհերի գանգերը պետք է անհապաղ հետ բերել. Փարիզի Մարդու թանգարանում գտնվում են 18 հազար գանգեր, վախեցել են հրապարակել       Չինաստանը եւ Ռուսաստանը՝ որպես 2 երկրներ, որոնք «վտանգ են ներկայացնում բազմաբեւեռ աշխարհի համար.Պետք է դեմն առնել՝ խուսափելու սառը պատերազմից    

28 մայիս 2022 15:30

Հայաստանն այլևս տիեզերական երկիր է… խայծեցին «սենսացիան» ու սկսեցին տարածել «ցնցող նորությունը»

Նիկոլ Փաշինյանի՝ ավիացիոն հարցերով նախկին խորհրդական Հակոբ Ճաղարյանն իր ֆեյսբուքյան էջում անդրադարձել է հայկական տիեզերական արբանյակի՝ Երկրի ուղեծիր դուրս բերելու մասին Փաշինյանի հայտարարությանը:

Իր գրառումը Հակոբ Ճաղարյանը վերնագրել է՝ «ՀԱՅԱՍՏԱՆՆ Ու ՏԻԵԶԵՐՔԸ», նշել, որ փաստերը շատ են, այդ պատճառով էլ գրառումը երկար է ստացվել:

«2 օր առաջ ՀՀ կառավարության նիստում նիստավարը գերագույն հպարտությամբ հայտարարեց, որ Հայաստանը տիեզերք է ուղարկել իր առաջին արբանյակը, և որ Հայաստանն այլևս տիեզերական երկիր է…

Կառավարամերձ պոռոտախոսներն անմիջապես խայծեցին «սենսացիան» ու սկսեցին տարածել «ցնցող նորությունը»՝ չմոռանալով նշել, որ այն «…հնարավոր դարձավ միայն «թավշյա» կառավարության անխոնջ ջանքերի…. լյա-լյա-լյա….. շնորհիվ…»,-գրել է Հակոբ Ճաղարյանը:

Նիկոլ Փաշինյանի նախկին խորհրդականի կարծիքով, սակայն, իրականությունը բոլորովին այլ բանի մասին է խոսում:

«Առաջին հայկական արբանյակը ստեղծվել և տիեզերք է ուղարկվել դեռևս 1969թ. ակադեմիկոս ԳՐԻԳՈՐ ԳՈւՐԶԱԴՅԱՆԻ ղեկավարությամբ: Արբանյակը աշխարհում ԱՌԱՋԻՆՆԵՐԻՑ էր, որ վերադարձվեց Երկիր: Այն ԱՅԺՄ ԳՏՆՎՈւՄ է Հայաստանի Տիեզերքի թանգարանում, բոլոր հեղինակների ստորագրությամբ»,-նշել է նա:

Վերադառնալով մեր ժամանակներին՝ Հակոբ Ճաղարյանը հավելել է, որ 2012թ. հայկական արբանյակային ծրագրի շուրջ բանակցություններ են սկսվում «Ռոսկոսմոսի» հետ:

«2013թ. ՀՀ կառավարությունը ստեղծվում է «ArmCosmos» ծրագիրը:

2013թ.-ից Հայաստանը ՄԱԿ-ի Տիեզերքի խաղաղ նպատակներով օգտագործման և հեռահաղորդակցության միջազգային արբանյակային կոմիտեների անդամ է:

2013թ.-ից Երկիր մոլորակի երկրաչափական ուղեծրում Հայաստանին տրամադրված է հեռահաղորդակցական արբանյակների 2 ուղեծրային գոտի:

2013թ. Հայաստանը սկսում է բանակցությունները ՄԱԿ-ի Հեռահաղորդակցության Միջազգային միության (ITU) հետ հայկական առաջին արբանյակի ստեղծման շուրջ:

2013 թ. Կանադական MDA տիեզերական ընկերությունը պատրաստակամություն է հայտնում օգնել Հայաստանի առաջին արբանյակի ստեղծմանը:

2013թ. ի դեմս դեսպան Ռայներ Մորելի՝ Գերմանիան պատրաստակամություն է հայտնել համագործակցել ՀՀ հետ նրա տիեզերական ծրագրերում:

2014թ. Չինաստանը պատրաստակամություն է հայտնել մասնակցել «ArmSat» ծրագրին:

ՀՀ կառավարության և չինական «Great Wall» (Մեծ պատ) ընկերությունները սկսում են բանակցությունները:

Արդյունքում` Չինական կողմը պատրաստակամություն է հայտնել նախագծել, գործարկել, սպասարկել և վերապատրաստել հայ մասնագետներին:

2017թ. Հնդկաստանը հայտարարեց Հայաստանի համար Երկրի դիտարկման արբանյակ ստեղծելու իր պատրաստակամության մասին:

Համաձայնագիրը, ներառյալ նաև հայ գիտնականներին համակարգի օգտագործման և տվյալների մշակման ուսուցմամբ, ստորագրվել է ՀՀ նախագահ Արմեն Սարգսյանի և Հնդկաստանի փոխնախագահ Համիդ Անսարիի հանդիպման արդյունքում»,-մանրամասներն է ներկայացրել Հակոբ Ճաղարյանը:

Վերջում նա տեղեկացրել է՝ Falcon 9 Տիեզերանավով մինչև 200 կգ քաշով արբանյակի ուղեծիր հանելն ըստ «Space X» ընկերության հայտարարված գնացուցակի, արժե $ 1M (1 մլն ԱՄՆ դոլար):

Հայաստանն իր առաջին արբանյակը տիեզերք է ուղարկել իսպանական Բասկոնիա նահանգի գյուղատնտեսական Urdaneta արբանյակի հետ համատեղ: Էդպես էլ կոչվում է`Urdaneta-Armsat1:

«Ինչքա՞ն խելք էր պետք, որ էս փոքրիկ, կես միլիոն դոլարանոց խաղալիքը, որի կառավարման համակարգը, նորից ըստ գլխավոր սուտասանի, Հայաստանում դեռ չկա, և կգործարկվի 2023 թ. ընթացքում, չներկայացվեր որպես կարկառուն հաջողություն «Տիեզերքի գրավման» ծանր ու տքնաջան աշխատանքում, իսկ կառավարության արբանյակները ուղեղներին մի փոքր զոռ տային ֆեյք կառավարության ֆեյք արբանյակը իրականից տարբերելու համար: Ու էս կիսախելագարն ինձ ու իմ ազգը ներկայացնում է աշխարհում»,-եզրափակել էր Հակոբ Ճաղարյանը:

Մեկնաբանություններ


Համընկնող լուրեր