Լեհաստանի խանութների դարակներից շաքարավազը հանկարծակի անհետացել է
Լեհաստանի խանութների դարակներից շաքարավազը հանկարծակի անհետացել է, հայտնում է «ՌԻԱ Նովոստի»-ի թղթակիցը։Վարշավայում սպիտակ շաքարավազ չկա ոչ միայն շրջանների փոքր խանութներում, այլև խոշոր մանրածախ ցանցերում: Որոշ մանրածախ կետերում այն ժամանակ առ ժամանակ հայտնվում է, բայց գնորդների համար սահմանափակումներ կան՝ ոչ ավելի, քան տասը կիլոգրամ մեկ անձի համար:
Դատելով սոցիալական ցանցերում հաղորդագրություններից՝ շաքարավազի պակաս է նկատվում նաև Լեհաստանի այլ շրջաններում։
Վաճառողներն ասում են, որ զարմացած են շաքարավազի պակասից և դրա նկատմամբ պահանջարկի աճից։ Նրանց խոսքով՝ շաքարավազը խանութներ պարզապես չի առաքվել։ Պահանջարկի աճի հնարավոր պատճառը մուրաբայի սեզոնն է, սակայն անցյալ տարիներին նույն ժամանակահատվածում շաքարավազը բավարար էր։
Aldi ցանցում հայտնել են, որ կանխատեսում են «գլոբալ լարված իրավիճակ»՝ կապված նյութատեխնիկական ապահովման, բեռնարկղերի կամ բեռնատարների վարորդների բացակայության և բեռնափոխադրումների բարձր սակագների հետ, գումարվում են նաև եղանակային պայմանները:
