Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

12 օգոս 2022 15:17

ՄԱԿ-ի ԱԽ-ում ոչ ոք չաջակցեց ուկրաինական զառանցանքին, Զապորոժիեի ատոմակայանը պարբերաբար գնդակոծում են հենց իրենք

ՄԱԿ-ի Անվտանգության խորհրդի նիստում ոչ ոք չի աջակցել Զապորոժիեի ատոմակայանի շուրջ տեղի ունեցող դեպքերի ուկրաինական վարկածին. այն պարբերաբար գնդակոծում են ուկրաինական զորքերը՝ միաժամանակ մեղադրելով Մոսկվային: Այս մասին հայտարարել է ՄԱԿ-ում ՌԴ մշտական ներկայացուցչի տեղակալ Դմիտրի Պոլյանսկին։
«Հուսանք, որ տեղի ունեցած քննարկումը, որի ընթացքում, Ռուսաստանի հասցեին մեղադրանքների ամբողջ շեշտադրմամբ հանդերձ, ոչ ոք չաջակցեց իրադարձությունների վերաբերյալ ուկրաինական զառանցանքին, Ուկրաինայի ղեկավարությանը հետ կպահի նոր անխոհեմ սադրանքներից, և ՄԱԳԱՏԷ-ի ղեկավար Գրոսսիի այցը Զապորոժիեի ԱԷԿ, այնուամենայնիվ, տեղի կունենա ամենամոտ ժամանակներս»,- գրել է Պոլյանսկին իր Telegram-ալիքում:


Զապորոժիեի ԱԷԿ-ը գտնվում է Դնեպրի ձախ ափին՝ Էներգոդար քաղաքի մոտ։ Այն բլոկների թվով և հաստատված հզորությամբ ամենամեծ ատոմակայանն է Եվրոպայում։ Կայանում վեց էներգաբլոկ է տեղադրված։ Մարտ ամսից ի վեր Զապորոժիեի ԱԷԿ-ը գտնվում է ռուս զինվորականների պահպանության ներքո։
ՌԴ ԱԳՆ-ն ընդգծել է, որ ռուս զինվորականների կողմից էլեկտրակայանը պահպանության տակ վերցնելու արդարացված է միջուկային և ռադիոակտիվ նյութերի արտահոսքը կանխելու տեսանկյունից:
Ուկրաինական ուժերը հատուկ ռազմական գործողության սկզբից ի վեր արդեն մի քանի անգամ ԱԷԿ-ի տարածքի վրա հարձակման փորձ են արել։ Օգոստոսի 5-ից հրետակոծությունները հաճախակիացել են։ Օգոստոսի 7-ի գիշերն ուկրաինական զորքերը «Ուրագան» ՀԿՌՀ-ից հարված են հասցրել ԶԱԷԿ-ին, բեկորներն ու հրթիռային շարժիչն ընկել են կայանի գործող էներգաբլոկից մոտ 400 մետր հեռավորության վրա: Գնդակոծությունից հետո երկու էներգաբլոկներն ամբողջ հզորությամբ չեն աշխատում։ ՄԱԳԱՏԷ-ի ղեկավար Ռաֆայել Գրոսսին մտահոգություն է հայտնել ԶԱԷԿ-ի հրթիռակոծման կապակցությամբ։


Մեկնաբանություններ


Համընկնող լուրեր