Տեսանյութ. Փաշինյանի հրատապ հավաքին ներկա է նաև ՊՆ նախարարը. Mediahub.am          Մեքսիկայում պոչով երեխա է ծնվել. 2 ամիս անց նկատել են, որ աղջկա պոչը շարունակում է աճել       Ալիևը բռնել է եվրոպացիների դամարը.Ինչի՞ հետևանք է Կլաարի ադրբեջանանպաստ դիրքորշումը    

24 նոյ 2022 13:20

Ադրբեջանի ՊԱԾ պետի տեղակալը՝Հայաստանի մասին.ՀՀ-ն գերազանցելով իր ֆինանսական հնարավորությունները, փորձում է գնել արդիական սպառազինություն, ձգտում է հետաձգել խաղաղության համաձայնագրի ստորագրումը

Ադրբեջանի պետական անվտանգության ծառայության (ՊԱԾ) պետի առաջին տեղակալ, գեներալ-լեյտենանտ Ջեյհուն Շադլինսկին Բաքվում ընթացող համաժողովում հարկ է համարել հատուկ ուշադրություն հատկացնել Հայաստանի «ռեւանշիստական ուժերին, սպառազինությունների գնումներին եւ «սադրանքներին»։


Նշենք, որ Շադլինսկու հայտարարություններն այն գծի շարունակությունն են, որը տվել են Ադրբեջանի իշխանությունները՝ վարկաբեկել ռուս խաղաղապահներին եւ «տեղեկատվական հող» նախապատրաստել Հայաստանի եւ Արցախի դեմ նոր ագրեսիայի համար։


«Հայաստանի ռեւանշիստական ուժերն ամբողջ ուժով փորձում են խանգարել երկու երկրների միջեւ հարաբերությունների կարգավորման ուղղությամբ տարվող աշխատանքին»,- ասել է ՊԱԾ պետի տեղակալը։ Ինչպես նշել է Շադլինսկին, «մտահոգում է այն փաստը, որ Հայաստանը միջոցներ է տրամադրում սպառազինությունների եւ բանակաշինության համար՝ գերազանցելով իր ֆինանսական հնարավորությունները, փորձում է գնել արդիական սպառազինություն եւ ռազմական տեխնիկա տարբեր երկրներից, բոլոր հնարավոր միջոցներով ձգտում է հետաձգել խաղաղության համաձայնագրի ստորագրումը»։ Նրա խոսքով՝ «հատուկ ուշադրության են արժանի Ադրբեջանի տարածքով, որտեղ ժամանակավորապես տեղակայված է ռուսական խաղաղապահ զորակազմը, ռազմական տեխնիկայի ուղարկման եւ այնտեղ տարբեր սադրիչ գործողություններ իրականացնելու պայմանների ստեղծման հարցերը»։


Մեկնաբանություններ


Համընկնող լուրեր