Մենք լուրջ մարդիկ ենք… Եթե ինչ-որ բանի շուրջ պայմանավորվել ենք, թեկուզ բանավոր, ապա պայմանավորվածությունները պետք է պահպանվեն . ԵՄ քաղաքացիական նոր առաքելության ուղարկումը ՀՀ «խաբեություն» է
![](https://hayacq.com/uploads/posts/2019-03/1551790518_ilham-aliev-exp-33-1.jpg)
Տեղական քարոզչական հեռուստաընկերությունների հետ հարցազրույցում Ալիևն ասել է, որ Հայաստան ԵՄ 40 հոգանոց առաքելության ուղարկումը երկու ամսով համաձայնեցվել է 2022 թ-ի հոկտեմբերի 6-ին Պրահայում կայացած Հայաստանի, Ադրբեջանի, Ֆրանսիայի ու Եվրոպական խորհրդի ղեկավարների քառակողմ հանդիպմանը։
Ալիևի խոսքով՝ ավելի ուշ ԵՄ-ն,իբր, խախտել է ձեռք բերված պայմանավորվածությունները՝ դեկտեմբերի 19-ին նախորդի մանդատի ավարտից հետո առանց Բաքվի հետ համաձայնության նոր առաքելություն ուղարկելու որոշում կայացնելով։ «Ինչ-որ պատճառով պայմանավորվածությունը խախտվել է, ինչը, իհարկե, չափազանց հիասթափեցնող է, քանի որ մենք լուրջ մարդիկ ենք…
Եթե ինչ-որ բանի շուրջ պայմանավորվել ենք, թեկուզ բանավոր, ապա պայմանավորվածությունները պետք է պահպանվեն»,-դժգոհել է Ադրբեջանի նախագահը։
Նա նշել է, որ առաքելության ներկայացուցիչներն արդեն Հայաստանում են և հանդիպումներ են ունենում, և, ըստ առկա տեղեկությունների, փետրվարին ԵՄ առաքելությունը արդեն մեծ կազմով Հայաստան կուղարկվի առանց Բաքվի հետ համաձայնության։
Ալիևը նաև հայտարարել է, որ Բաքուն ԱՄՆ-ն և Ռուսաստանն է դիտարկում որպես Հայաստանի հետ բանակցությունների հարթակներ։
Ըստ նրա ԵՄ-ն կարող է նման հարթակ լինել,«եթե իրեն ազնիվ պահի»։