«Կանխել ցանկացած հնարավոր սադրանք» . հանձնարարականներ է տվել ստորաբաժանումների մարտական պատրաստվածությունը բարձր մակարդակի վրա պահել
Ադրբեջանի պաշտպանության նախարար Զաքիր Հասանովը ծառայողական խորհրդակցություն է անցկացրել, որի ընթացքում կոնկրետ հանձնարարականներ է տվել ստորաբաժանումների մարտական պատրաստվածությունը բարձր մակարդակի վրա պահելու եւ «ցանկացած հնարավոր սադրանք կանխելու պատրաստակամության» վերաբերյալ, հաղորդում են ադրբեջանական ԶԼՄ-ները: «Խորհրդակցությանը մասնակցել են նախարարի տեղակալները, զորատեսակների հրամանատարները, նախարարության գլխավոր վարչությունների, ծառայությունների պետերը, ինչպես նաեւ տեսակապի միջոցով զորամիավորումներ հրամանատարները»,-հաղորդում Է Ադրբեջանի պաշտպանության նախարարությունը
Խորհրդակցությանը վերլուծվել է ադրբեջանա-հայկական սահմանին եւ Ադրբեջանի տարածքում տիրող իրավիճակը, որտեղ ժամանակավորապես տեղակայված է ռուսական խաղաղապահ զորակազմը: Քննարկվել են կրթության ոլորտում իրականացվող բարեփոխումները, որոնք ուղղված են Ադրբեջանի զինված ուժերի համար պրոֆեսիոնալ կադրերի պատրաստմանը: Տրվել են հանձնարարականներ այս ուղղությամբ աշխատանքների ինտենսիվությունը բարձրացնելու համար»,-ասված է հաղորդագրության մեջ։
