Լավրովը պատրաստակամություն է հայտնել կազմակերպել Բայրամովի և Միրզոյանի հանդիպումը
Ռուսաստանի արտաքին գործերի նախարար Սերգեյ Լավրովը Ադրբեջանի ԱԳ նախարար Ջեյհուն Բայրամովի հետ հեռախոսազրույցի ժամանակ պատրաստակամություն է հայտնել կազմակերպել նրա և ՀՀ ԱԳ նախարար Արարատ Միրզոյանի հանդիպումը խաղաղության պայմանագրի նախագծի վրա աշխատելու համար: Այս մասին հայտնում է ՌԴ արտաքին քաղաքական գերատեսչության մամուլի ծառայությունը:Լավրովն ու Բայրամովը քննարկել են Լաչինի միջանցքի հարցը և խնդրի հանգուցալուծման ճանապարհները:
«Ընդգծվել է Ռուսաստանի, Ադրբեջանի և Հայաստանի ղեկավարների միջև եռակողմ համաձայնագրերի հիման վրա ադրբեջանա-հայկական հարաբերությունների կարգավորման բոլոր ուղիների վրա ռիթմիկ աշխատանքի վերսկսման կարևորությունը։
Այս համատեքստում ռուսական կողմի պատրաստակամությունը Մոսկվայում կազմակերպել հաջորդ հանդիպումը։
Հաստատվել է երկու երկրների միջև խաղաղության պայմանագրի նախագծի շուրջ Ադրբեջանի և Հայաստանի արտաքին գործերի նախարարությունների ղեկավարների բանակցությունների փուլը», - հայտնել են գերատեսչությունում։
