Վաշինգտոնի մետրոյում հրաձգություն է տեղի ունեցել
ԱՄՆ Վաշինգտոն քաղաքի մետրոյում հրաձգություն է տեղի ունեցել, ինչի հետևանքով մեկ մարդ վնասվածքներ է ստացել։ Այս մասին հաղորդում է ՌԻԱ Նովոստին՝ ԱՄՆ ճանապարհային ոստիկանությանը հղումով։«Հաստատվել է մեկ տուժած՝ հրազենային վնասվածքով»,- ասված է ոստիկանության տարածած հաղորդագրության մեջ։
Միջադեպը տեղի է ունեցել չորեքշաբթի՝ փետրվարի 1-ին, Potomac Avenue Station կայարանում։ Հաղորդվում է, որ ոստիկանությանը հաջողվել է ձերբակալել մեկ կասկածյալի։
