Վաշտի կացարանի հրդեից հետո զինվոր է անհետացել.ԱԱԾ-ն ու հակահետախուզությունը զինվոր են փնտրել, ո՞վ է եղել այդ զինվորը
Ազատ գյուղում տեղակայված վաշտի կացարանի ողբերգական հրդեից հետո զինվոր է անհետացել, որին փնտրել են ՀՀ ԱԱԾ-ն և ԶՈՒ հակահետախուզությունը։ Այս մասին այսօր հայտարարել է ազատամարտիկ, պահեստազորի գնդապետ Վոլոդյա Հովհաննիսյանը։«Կրակը հանգցնելուց անմիջապես հետո ԱԱԾ պահանջով արգելվել է կացարան մտնել, անգամ ոստիկանններին արգելել են խոսել ներկաների և վկաների հետ, հրշեջներին, ԱԻՆ-ի աշխատողներին թույլ չեն տվել մտնել ներս և որևէ բանի դիպչել։ ԱԱԾ-ն ու հակահետախուզությունը զինվոր են փնտրել, ո՞վ է եղել այդ զինվորը, գտա՞ն այդ զինվորին, չգտա՞ն, սպանվա՞ծ է, թե՞ կենդանի, գերի՞ է, ոչ ոք ինֆորմացիա չունի, թաքցվում է այդ ինֆորմացիան,- նշեց նա։
Ազատամարտիկը համոզված է՝ զինվորները կրակից չեն մահացել, կրակը մահվան իմիտացիա է, տղաների մահը վրա է հասել երկրորդ ներգործության հետևանքով։ Հովհաննիսյանը տեղեկություններ ունի, որ տարածքում քննչական գործողություններ են իրականացվել տղաների դիերը տարհանելուց հետո միայն, որոնք ևս դուրս են բերվել ԱԱԾ-ի աշխատակիցների կողմից։
«Որ ասում են՝ ԱԻՆ-ը տարավ, ԱԻՆ-ը չի տարել դիերը, սև մեքենաներով ԱԱԾ-ն է տարել դիերը։ Ինչո՞ւ են այսօր ստիպում կապիտանին, որ իր վրա վերցնի բենզինով այրելու վարկածը։ Եթե Նիկոլը չգիտի այդ սպանության մասին, ինչու է դեպքից մի քանի ժամ անց հայտարարում բենզինի վարկածը, ինչ է թաքցնում Նիկոլ Փաշինյանը, ի՞նչ են պայմանավորվել Ալիևի հետ, ի՞նչ պետք է տրվի Ալիևին այդ ուղղությամբ, ինչու դա պետք է լիներ հայ զինվորների գնով»,- հավելց Հովհաննիսյանը։
