Առաջին անգամ Հայաստանը գնում է Թուրքիայի հետ հարաբերությունների կարգավորման՝ բավարարած լինելով բոլոր նախապայմանները
![](https://www.pastinfo.am/news_images/477/1429644_1/photo_2022_07_09_14_21_42.thumb.jpg)
«Նույնիսկ եթե հայ-թուրքական հարաբերությունները կարգավորվեն, սահմանը բացվի, չի նշանակի անվտանգության երաշխիքներ կամ որ Ադրբեջանը զերծ է մնալու ագրեսիվ գործողություններից, Թուրքիան էլ դրան չի աջակցելու։
Թուրքիան բազմիցս ասել է, որ Հայաստանի հետ հարաբերությունները կկարգավորեն՝ հաշվի առնելով եղբայրական Ադրբեջանի շահերը, Թուրքիայի եղբայրական Ադրբեջանն էլ հայտարարում է, որ իրենն է թե Երեւանը, թե Սյունիքը, թե Տավուշը։ Պետք է ամեն ինչ հաշվի առնել։
Առաջին անգամ Հայաստանը գնում է Թուրքիայի հետ հարաբերությունների կարգավորման՝ բավարարած լինելով բոլոր նախապայմանները։ Եվ, բնականաբար, Թուրքիան առաջ է քաշում նոր նախապայմաններ՝ Զանգեզուրի միջանցքի տրամադրում, Ադրբեջանի լրացուցիչ պահանջների բավարարում, Հայաստանի զինանշանի ձեւափոխում, որի վրա Արարատն է պատկերված»,- նշեց Սարգսյանը։