Ուկրաինայի հակաօդային պաշտպանության համակարգն ավելի արդյունավետ է դարձել՝ խոցում է ռուսական հրթիռների 80%-ը
Ուկրաինայի հակաօդային պաշտպանության համակարգն ավելի արդյունավետ է դարձել՝ հակաօդային պաշտպանության ուժերը խոցում են ռուսական զորքերի կողմից արձակված հրթիռների մեծ մասը, հայտարարել է Ուկրաինայի Զինված ուժերի միացյալ ուժերի հրամանատար Սերխի Նաևը, գրում է BBC-ի ռուսական ծառայությունը։«Ներկայումս խոցված հրթիռների տոկոսային հարաբերությունը շատ է փոխվել և կազմում է 80%, իսկ որոշ դեպքերում նույնիսկ ավելին, մեր հակաօդային պաշտպանության մասնագետները դարձել են ավելի պրոֆեսիոնալ և կոմպետենտ»,- ասել է նա։
Նրա խոսքով՝ ռուսական կողմը փոխում է նաև օդային հարձակման զինատեսակների կիրառման մարտավարությունն ու մեթոդները։ «Ուստի մենք յուրաքանչյուր հարվածից հետո վերլուծություն ենք անում, և հրամանատարները, համապատասխանաբար, որոշումներ են կայացնում, որպեսզի հակաօդային պաշտպանության կայունությունը լինի ամենաբարձր մակարդակի վրա»,- հավելել է նա։
